ஆர்காவ் கன்டோனில் சைக்கிள் திருட முயன்ற இருவர் கைது.!!
ஆர்காவ் கன்டோனின் மோலின் (Möhlin) பகுதியில் சந்தேகத்திற்கிடமாக சுற்றித்திரிந்த இரு நபர்களை குறித்து விழிப்புணர்வுடன் செயல்பட்ட உள்ளூர்வாசி ஒருவர் வழங்கிய தகவலின் அடிப்படையில், சைக்கிள் திருட முயற்சியில் ஈடுபட்டதாக சந்தேகிக்கப்படும் இருவரை போலீசார் கைது செய்துள்ளனர்.
இந்த சம்பவம் 2026 ஜூன் 2 ஆம் திகதி செவ்வாய்க்கிழமை இரவு சுமார் 9 மணிக்கு முன்பாக இடம்பெற்றது. Lindenstrasse பகுதியில் காரில் சென்றுகொண்டிருந்த ஒருவர், இரண்டு நபர்கள் வீடுகளின் தோட்டப்பகுதிகளை சந்தேகத்திற்கிடமாக கவனித்து பார்த்துக்கொண்டிருந்ததை அவதானித்துள்ளார். இதையடுத்து அவர் உடனடியாக ஆர்காவ் கன்டோனல் அவசர அழைப்பு மையத்திற்கு தகவல் வழங்கினார்.
தகவல் கிடைத்தவுடன் ஆர்காவ் கன்டோனல் போலீசார், Unteres Fricktal பிராந்திய போலீசார் மற்றும் எல்லைக் காவல் பிரிவினர் சம்பவ இடத்திற்கு விரைந்தனர். பின்னர் முன்னெடுக்கப்பட்ட தேடுதல் நடவடிக்கையின் போது Gartenstrasse பகுதியில் தகவலுடன் பொருந்திய இரு நபர்களை எல்லைக் காவல் துறையினர் தடுத்து நிறுத்தினர்.
மேலதிக விசாரணைகளில், கைது செய்யப்பட்ட இருவரும் அதற்கு சில நிமிடங்களுக்கு முன்பு Kiefernweg பகுதியில் ஒரு குடியிருப்பின் முன்பாக நிறுத்தப்பட்டிருந்த இரண்டு சைக்கிள்களை திருட முயன்றதாக தெரியவந்துள்ளது.
இதையடுத்து 22 மற்றும் 23 வயதுடைய அல்ஜீரிய நாட்டு பிரஜைகளான அந்த இருவரையும் ஆர்காவ் கன்டோனல் போலீசார் அவசர சந்தேகத்தின் பேரில் தற்காலிகமாக கைது செய்துள்ளனர்.
. Kapo AG
