கொள்ளையடிக்க பட்டப்பகலில் வீடு புகுந்த கில்லாடி பெண்கள் : சூரிச்சில் சம்பவம் புதன்கிழமை காலை, சூரிச்சின் Pfungen ல் போலீசார் இரண்டு பெண்கொள்ளையர்களை கைது செய்தனர். குறித்த இரண்டு இளம் பெண்களும் சூரிச் மாகாணத்தில் மேலும் பல திருட்டுகளில் ஈடுபட்டதாக கூறப்படுகிறது. குறித்த சம்பவம் பற்றி சூரிச் கன்டோனல் போலீஸ் மேலும் தெரவிக்கையில் இரு பெண்களும் காலை 10:30 மணியளவில் உள் கதவு வழியாக ஒரு மாடி வீட்டிற்குள் நுழைந்தனர். திடீரென வீடு திரும்பிய ஒரு குடியிருப்பாளரைக் கண்டு அதிர்ச்சியடைந்த அந்த இரண்டு பெண்களும் தப்பி ஓடிவிட்டனர். இரண்டு பெண்களில் ஒருவரான 22 வயது செர்பியனை குடியிருப்பாளர் துரத்தி சென்று பிடித்துள்ளார். மேலும் அவரை மடக்கிப்பிடித்து எச்சரிக்கை செய்து போலீசார் வரும் வரை தடுத்து வைத்தார். செர்பியர் கைது செய்யப்பட்ட சிறிது நேரத்திலேயே, சூரிச் கன்டோனல் காவல்துறை அதிகாரிகள் இரண்டாவது திருடனை அடையாளம் கண்டு 24 வயதான குரோஷிய பெண்ணை கைது செய்தனர். பறிமுதல் செய்யப்பட்ட கிரிமினல் சொத்துக்கள் மற்றும் அவர்கள் எடுத்துச் சென்ற கொள்ளைக் கருவிகள் மற்றும் பிற சான்றுகள் இரண்டு பெண்களும் குறிப்பாக சூரிச் மாகாணத்தில் மேலும் திருட்டு குற்றங்களில் ஈடுபடக்கூடிய குற்றவாளிகள் என்பதைக் காட்டுவதாக சூரிச் கன்டோனல் போலீசார் தெரிவிக்கின்றனர். மேலதிக விசாரணைகள் சூரிச் கன்டோனல் காவல்துறை மற்றும் வின்டர்தர்ஃஅண்டர்லேண்ட் அரசு வழக்கறிஞர் அலுவலகத்தால் மேற்கொள்ளப்பட்டு வருகின்றன. சூரிச் தடயவியல் நிறுவனம் குற்றம் நடந்த இடத்தில் ஆதாரங்களைப் பாதுகாத்து விசாரணைகளை மேற்கொண்டுவருகின்றது. (c) tagesanzeiger
