ஐரோப்பாவில் பாதுகாப்பான பொதுப் போக்குவரத்து அமைப்புகளில் சுவிட்சர்லாந்து முன்னிலையில்

ஐரோப்பாவில் பாதுகாப்பான பொதுப் போக்குவரத்து அமைப்புகளில் சுவிட்சர்லாந்து முன்னிலையில்

சுவிட்சர்லாந்தின் பொதுப் போக்குவரத்து அமைப்பு, ஐரோப்பாவின் மிகவும் பாதுகாப்பான போக்குவரத்து அமைப்புகளில் ஒன்றாக மீண்டும் மதிப்பிடப்பட்டுள்ளது. சுவிட்சர்லாந்து மத்திய போக்குவரத்து அலுவலகம் (Federal Office of Transport) வியாழக்கிழமை வெளியிட்ட தகவலின்படி, பயணிகள் பாதுகாப்பு அடிப்படையில் சுவிட்சர்லாந்து ஐக்கிய இராச்சியம் மற்றும் நெதர்லாந்துக்கு அடுத்ததாக மூன்றாவது இடத்தில் உள்ளது.

குறிப்பாக, ரயில்கள், கேபிள் கார்கள் மற்றும் படகு சேவைகளில் அண்மைக் காலத்தில் உயிரிழப்புகள் அல்லது கடுமையான காயங்கள் எதுவும் பதிவாகவில்லை என அதிகாரிகள் தெரிவித்துள்ளனர்.

ஆனால், நகரப்பகுதிகளில் இயங்கும் டிராம் மற்றும் பேருந்து சேவைகளில் நிலைமை சற்று கவலைக்கிடமாக இருப்பதாக அறிக்கையில் குறிப்பிடப்பட்டுள்ளது. குறிப்பாக, டிராம் மற்றும் பேருந்து விபத்துகளில் கடுமையாக காயமடையும் மற்றும் உயிரிழக்கும் பயணிகளின் எண்ணிக்கை அண்மைய ஆண்டுகளில் அதிகரித்துள்ளதாக தெரிவிக்கப்பட்டுள்ளது.

நகரங்களில் அதிகமான போக்குவரத்து நெரிசல், நடமாடும் மக்களின் அதிகரிப்பு மற்றும் சாலை பாதுகாப்பு சவால்கள் இதற்கான காரணங்களாக கருதப்படுகின்றன.

© KeystonSDA