இஸ்ரேலுக்கான விமான சேவையை இடைநிறுத்திய சுவிஸ் விமான சேவை

இஸ்ரேலுக்கான விமான சேவையை இடைநிறுத்திய சுவிஸ் விமான சேவை

மத்திய கிழக்கு பகுதியில் நிலவும் பாதுகாப்பு நிலைமையை முன்னிட்டு, Swiss International Air Lines (SWISS) நிறுவனம், இஸ்ரேலில் உள்ள டெல் அவிவ் நகரை நோக்கி இயக்கப்படும் அதன் விமான சேவையை ஜூன் 15 வரை தற்காலிகமாக நிறுத்துவதாக அறிவித்துள்ளது.

ஸ்விஸ் ஏர்லைன்ஸ் இன்று வெளியிட்ட அறிக்கையில், பாதிக்கப்பட்ட பயணிகளுக்கு நேரடியாக தகவல் வழங்கப்படும் என்றும், விருப்பமிருந்தால் மற்றும் இருக்கைகள் இருந்தால் அவர்கள் பிற விமானங்களுக்கு மாற்றிக் கொள்ளலாம் என்றும் கூறியுள்ளது.

மேலும் பயணிகளை தவறாக பாதிக்காமல், மாற்றுத் திகதிக்கான இலவச மீள்பதிவு அல்லது பணத்தை திருப்பி வழங்கும் வசதியும் ஏற்படுத்தப்பட்டுள்ளது. “எங்கள் பயணிகள், பணியாளர்கள் மற்றும் விமான குழுவினரின் பாதுகாப்புதான் எங்களுக்கான மிக முக்கிய முன்னுரிமை,” என SWISS நிறுவனத்தினர் தெரிவித்தனர்.

இந்த முடிவுக்கு வருவதற்கு காரணமான சூழ்நிலைகளுக்கு வருத்தம் தெரிவிக்கின்றனர் என்றும், மத்திய கிழக்கு நிலைமையை தீவிரமாக கண்காணித்து வருவதாகவும் தெரிவித்துள்ளனர்.

முன்னதாக மே 18ஆம் திகதி, SWISS நிறுவனம் ஜூன் 8 வரை டெல் அவிவ் சேவையை நிறுத்தியதாக அறிவித்திருந்தது. தற்போதைய அறிவிப்பின் மூலம் இந்த காலக்கெடு ஜூன் 15 வரை நீட்டிக்கப்பட்டுள்ளது.