ஜெனீவாவில் சைக்கிள் ரசிகர்களுக்கான “பைக் சனிக்கிழமை” நிகழ்ச்சிகள் ஆரம்பம்
ஜெனீவாவில் சைக்கிள் ரசிகர்களுக்கான “பைக் சனிக்கிழமை” நிகழ்ச்சிகள் ஆரம்பம்
சுவிட்சர்லாந்தின் ஜெனீவா நகரில் சைக்கிள் பயணிகளை இலக்காகக் கொண்டு “பைக் சனிக்கிழமை” (Bike Saturdays) என்ற சிறப்பு நிகழ்ச்சி தொடர் இந்த வார இறுதியில் ஆரம்பமாகிறது.
இந்த நிகழ்ச்சியை Pro Vélo Genève அமைப்பு ஏற்பாடு செய்துள்ளது. இதில் வழிகாட்டிகளுடன் கூடிய கருப்பொருள் சார்ந்த சைக்கிள் சுற்றுப்பயணங்கள் இடம்பெறவுள்ளன. முதல் கட்ட சுற்றுப்பயணங்களில் Frankenstein கதையை மையமாகக் கொண்ட அனுபவம், ஜெனீவாவின் பத்திரிகை வரலாறு மற்றும் நகர்ப்புற உயிரியல் பல்வகைமையை அறிமுகப்படுத்தும் பயணங்கள் இடம்பெறும். குறிப்பாக நகரின் இடதுபுற கரை பகுதிகளில் இவை நடைபெறும் என தெரிவிக்கப்பட்டுள்ளது.
இதனுடன், சைக்கிள் தொடர்பான அடிப்படை பராமரிப்பு பயிற்சிகளும் வழங்கப்படுகின்றன. சைக்கிளின் அடிப்படை மெக்கானிக்கல் வேலைகள், puncture ஏற்பட்டால் அதை சரிசெய்வது போன்ற பயிற்சிகளும் இதில் அடங்கும்.
இந்த நிகழ்ச்சிகள் ஒவ்வொரு மாதமும் முதல் சனிக்கிழமையன்று நடைபெற்று, செப்டம்பர் மாதம் வரை தொடரும். அனைத்து தரப்பினருக்கும் திறந்த இலவச நிகழ்ச்சியாக இருந்தாலும், இதில் கலந்து கொள்ள முன்பதிவு அவசியம் என ஏற்பாட்டாளர்கள் தெரிவித்துள்ளனர்.
சுற்றுச்சூழல் நட்பு போக்குவரத்து முறையாக சைக்கிள் பயன்பாட்டை ஊக்குவிக்கும் நோக்கில் இத்தகைய நிகழ்ச்சிகள் சுவிட்சர்லாந்தில் தொடர்ந்து ஏற்பாடு செய்யப்படுவது குறிப்பிடத்தக்கது.
