மிக்ரோஸ் சூப்பர் மார்க்கெட்டில் பெண்கள் உடை மாற்றும் அறையில் ரகசிய கேமரா
மிக்ரோஸ் சூப்பர் மார்க்கெட்டில் பெண்கள் உடை மாற்றும் அறையில் ரகசிய கேமரா: 20 பெண்கள் நீதிமன்றத்தில் சாட்சி
ஜெனீவா நகரின் கோர்னவின் தொடர்வண்டி நிலையத்தில் உள்ள மிக்ரோஸ் (Migros) சூப்பர் மார்க்கெட்டில் பணியாற்றிய 20க்கும் மேற்பட்ட பெண்கள், தங்களுக்கு ஏற்பட்ட பாதிப்புகளை நீதிமன்றத்தில் விவரித்தனர். காரணம் – ஒரு ஆண் சக ஊழியர் பெண்கள் உடை மாற்றும் அறையில் அறையில் ரகசிய கேமரா பொருத்திய சம்பவம்.
வழக்குரைஞர்களின் தகவலின்படி, தற்போது 30 வயதான குற்றவாளி 2019 முதல் 2021 வரை அந்த கேமராவை பயன்படுத்தி பெண்களை படம் பிடித்துள்ளார். போலீசார் அவரது இல்லத்தில் நடத்திய சோதனையில், ‘Migros’ என பெயரிடப்பட்ட கோப்புறையில் மட்டும் 1,700-க்கும் மேற்பட்ட வீடியோ மற்றும் புகைப்படக் கோப்புகள் கண்டறியப்பட்டன.
பெண்களை பிரதிநிதித்துவப்படுத்தும் வழக்கறிஞர்கள், ஒவ்வொரு பெண்கும் 2,000 சுவிஸ் பிராங்க் (CHF) இழப்பீடு வழங்கப்பட வேண்டும் என்றும், குற்றவாளி குறைந்தது ஒரு ஆண்டு சிறைத் தண்டனை அனுபவிக்க வேண்டும் என்றும் வலியுறுத்தினர்.
அதே நேரத்தில், பாதுகாப்பு தரப்பின் வாதம் மாறுபட்டது. குற்றவாளி தற்போது மனநலம் தொடர்பான சிகிச்சை பெற்று வருகிறார் என்பதால், நிபந்தனைத் தண்டனை (suspended sentence) தான் சரியான தீர்வாகும் என்று அவர்கள் தெரிவித்தனர்.
இச்சம்பவம், பணியிடங்களில் பெண்களின் தனியுரிமை மற்றும் பாதுகாப்பு தொடர்பான கவலைகளை மீண்டும் வெளிப்படுத்துவதோடு, பாலின அடிப்படையிலான தொல்லைகளை தடுக்கும் சட்ட நடவடிக்கைகளின் முக்கியத்துவத்தையும் சுட்டிக்காட்டுகிறது.
