சுவிட்சர்லாந்தில் காலநிலை நிதி திட்டம் நிராகரிக்கப்பட வாய்ப்பு அதிகம்
சுவிட்சர்லாந்தில் காலநிலை நிதி திட்டம் நிராகரிக்கப்பட வாய்ப்பு அதிகம்
மார்ச் 8ஆம் தேதி நடைபெறவுள்ள மக்கள் வாக்கெடுப்பில் காலநிலை நிதி (Climate Fund) திட்டம் நிராகரிக்கப்பட வாய்ப்பு அதிகரித்துள்ளதாக சமீபத்திய கருத்துக்கணிப்புகள் காட்டுகின்றன. சுற்றுச்சூழல் பாதுகாப்பு மற்றும் காலநிலை மாற்றத்தைக் கட்டுப்படுத்தும் நோக்கில் முன்வைக்கப்பட்ட இந்த திட்டம், நாட்டின் மொத்த உள்நாட்டு உற்பத்தி மதிப்பின் குறைந்தபட்சம் அரை சதவீதத்தை 2030ஆம் ஆண்டு வரை ஒதுக்க முன்மொழிகிறது. இது ஆண்டுதோறும் பல பில்லியன் ஃப்ராங்க் முதலீட்டாகும்; மொத்தமாக இது 8 பில்லியன் சுவிஸ் ஃப்ராங்க் (CHF 8bn) வரை செல்லக்கூடும் என மதிப்பிடப்படுகிறது.
ஆனால் தற்போதைய கணிப்புகள் 30 சதவீதத்திற்கும் குறைவான ஆதரவே இருப்பதை வெளிப்படுத்துகின்றன. குறிப்பாக Swiss People’s Party ஆதரவாளர்களில் 93 சதவீதம் இந்த முன்மொழிவுக்கு எதிராக உள்ளனர். அதேபோல் FDP.The Liberals கட்சியை ஆதரிப்பவர்களில் 90 சதவீதம் எதிர்ப்புத் தெரிவித்துள்ளனர்.
முந்தைய கருத்துக்கணிப்புகளுடன் ஒப்பிடும்போது ஆதரவு தொடர்ந்து குறைந்து வருவது கவனிக்கத்தக்கதாகும். நகரங்களில் வசிப்பவர்கள் மற்றும் உயர்கல்வி பெற்றவர்கள் இந்த திட்டத்துக்கு அதிக ஆதரவு அளிப்பார்கள் என எதிர்பார்க்கப்பட்டாலும், அந்த பிரிவினரில்கூட சுமார் 60 சதவீதம் எதிராக வாக்களிக்கத் தயாராக இருப்பதாக தகவல்கள் தெரிவிக்கின்றன.
சுவிட்சர்லாந்து காலநிலை கொள்கை, கார்பன் குறைப்பு நடவடிக்கைகள், சுற்றுச்சூழல் முதலீடு போன்ற விடயங்கள் தேசிய அரசியல் விவாதங்களில் முக்கிய இடம் பெற்றுள்ளன. இருப்பினும், பொருளாதார சுமை மற்றும் அரசின் செலவின உயர்வு குறித்து எழுந்துள்ள கவலைகள் வாக்காளர்களின் மனநிலையை மாற்றியுள்ளதாக அரசியல் விமர்சகர்கள் கூறுகின்றனர். WRS
