சுவிஸில் பால்வினை நோய்கள் தடுப்பு நிதி குறைப்பு – மருத்துவ வல்லுநர்கள் அதிர்ச்சி

சுவிஸில் பால்வினை நோய்கள் தடுப்பு நிதி குறைப்பு – மருத்துவ வல்லுநர்கள் அதிர்ச்சி

சுவிட்சர்லாந்தின் பொதுக் காப்புறுதி அலுவலகம் (FOPH) 2026 முதல் ஆண்டுக்கு CHF 11 மில்லியன் (அமெரிக்க டொலர் 12.5 மில்லியன்) சேமிக்க நாடளாவிய தடுப்பு திட்டங்களுக்கான நிதியை குறைக்கும் என்று அறிவித்துள்ளது.

இதில் பால்வினை நோய்கள் (STIs) மற்றும் எச்.ஐ.வி தடுப்பு திட்டங்களும் பாதிக்கப்படுவதாக சுட்டிக்காட்டப்பட்டுள்ளது. 2023 நவம்பரில் அறிமுகமான STI தேசிய திட்டம், சிபிலிஸ், கோனோரியா போன்ற பால்வினை நோய்களின் அதிகரித்துவரும் எண்ணிக்கையை குறைக்கும் நோக்கில் செயல்படுத்தப்பட்டது.

2030க்குள் எச்.ஐ.வி மற்றும் ஹெபடைட்டிஸ் பி, சி பரவலை ஒழிக்க முயற்சிக்கப்பட்டது. உலக அளவில் STI நோய்கள் அதிகரித்து வருகின்றன. உலக சுகாதார நிறுவனம் (WHO), ஐரோப்பிய நோய்த்தடுப்பு மையம் (ECDC) உள்ளிட்ட நிபுணர்கள், STI நோய்களின் எண்ணிக்கை அதிகரித்து வருவதை உறுதிப்படுத்தினர்.

சுவிட்சர்லாந்தில், 2000 முதல் பால்வினை STI நோய்கள் நிலையாக அதிகரித்து வருகின்றன. COVID-19 சமூக இடைவெளி காரணமாக 2020ல் சிறிது குறைந்திருந்தாலும், பின்னர் மீண்டும் அதிகரித்துள்ளது. கடந்த 2022க்குப் பிறகு கோனோரியா நோய் 31% அதிகரித்துள்ளது எனத் தெரிவிக்கப்படுகின்றது.

உலக சுகாதார ஸ்தாபனம் WHO மற்றும் STI ஆராய்ச்சியாளர்கள் கோனோரியா போன்ற நோய்களுக்கு எதிரான மருந்து எதிர்ப்பு (Antibiotic Resistance) அபாயகரமாக வளரலாம் என எச்சரிக்கின்றனர்.

பாதுகாப்பற்ற பாலுறவு காரணமாக நோயாளர் எண்ணிக்கை அதிகரித்துச் செல்வதாக தெரிவிக்கப்படுகின்றது. STI நோய்கள் இளம் தலைமுறையினருக்கு மட்டுமல்ல, முதியவர்களிடமும் அதிகரிப்பதாக தெரிவிக்கப்படுகின்றது.

சுவிட்சர்லாந்தின் STI தடுப்பு நிதி குறைப்பு, உலக அளவில் STI நோய்களின் மிகப்பெரிய வளர்ச்சிக்கேற்ப பரவலாக உள்ள சிக்கலாக பார்க்கப்படுகிறது. இது சுகாதார வல்லுநர்களிடையே அதிர்ச்சியை ஏற்படுத்தியுள்ளது.

இந்த முடிவுகள் LGBTQ+ சமூகத்திற்கும், பாலியல் நெறிமுறைகளை பின்பற்றாத மக்களுக்கும் பெரும் தாக்கத்தை ஏற்படுத்தக்கூடும் என்பதால், மீண்டும் அரசாங்கம் இதை பரிசீலிக்க வேண்டும் என பொதுமக்கள் வலியுறுத்துகின்றனர்.