சூரிச்சில் விரைவில் சந்தைக்கு வரவிருக்கும் புதிய உடல் எடை குறைக்கும் ஊசி
சூரிச்சில் விரைவில் சந்தைக்கு வரவிருக்கும் புதிய உடல் எடை குறைக்கும் ஊசி
சூரிச் – உடல் எடை குறைக்க புதிய தலைமுறை மருந்து ஊசிகள் விரைவில் மருத்துவ உலகில் அறிமுகமாகவுள்ளன. சூரிசில் உள்ள வெட்சுயிஸ் பீடத்தில் (Vetsuisse Faculty) நடைபெறும் முக்கியமான ஆராய்ச்சி இதற்குத் தளமாக உள்ளது.
இங்கு பணியாற்றும் விஞ்ஞானி தோமஸ் லுட்ஸ், பூனைகளில் நீரிழிவு நோய் குறித்து ஆய்வு செய்து வருகிறார். மனிதர்களுக்கு அடுத்ததாக, வகை 2 நீரிழிவு (Type 2 Diabetes) அதிகம் காணப்படும் ஒரே உயிரினம் பூனை என்பதும், இந்த ஆய்வின் முக்கியத்துவத்தை அதிகரிக்கிறது.
இந்த ஆய்வின் போது, அதிக எடை கொண்ட பூனைகளில் அமிலின் (Amylin) என்ற ஹார்மோன் முக்கிய பங்கு வகிப்பது கண்டறியப்பட்டது. இதனை அடிப்படையாகக் கொண்டு, உடல் எடை குறைக்கும் புதிய ஊசிகள் தற்போது உருவாக்கப்பட்டு வருகின்றன.
புதிய மருந்துகள் பல தனிச்சிறப்புகளைக் கொண்டதாக ஆராய்ச்சியாளர்கள் கூறுகின்றனர். அவை:
- நோயாளிகளின் உடலால் சிறப்பாக தாங்கப்படும்.
- வாந்தி உணர்ச்சி (நாசியா) ஏற்படுவதற்கான வாய்ப்பு குறையும்.
- தசை எடை (muscle mass) அதிகம் குறையாது.
- உணவு விருப்பத்தை முழுமையாக ஒடுக்காமல், விரைவில் பசியை அடக்கிய உணர்ச்சி (satiety) ஏற்படுத்தும்.
இந்த முன்னோடியான ஆராய்ச்சியின் பலனாக உருவாகும் மருந்துகள், அனைத்தும் திட்டமிட்டபடி நடைபெற்றால், அடுத்த ஆண்டுக்குள் சந்தையில் கிடைக்கும் என்று விஞ்ஞானிகள் நம்பிக்கையுடன் தெரிவித்துள்ளனர்.
©WRS
