வீட்டுக்குள் ‘காளான் பண்ணை’! போதைப்பொருள் வியாபாரி கைது!

வீட்டுக்குள் ‘காளான் பண்ணை’! போதைப்பொருள் வியாபாரி கைது!

சூரிச்சில் போலீசார் நடத்திய அதிரடி போதைப்பொருள் சோதனையில், ஏராளமான போதைப்பொருட்கள் பறிமுதல் செய்யப்பட்டுள்ளன!

வெள்ளிக்கிழமை நண்பகல், சூரிச் நகரின் 4ஆம் மாவட்டத்தில் சந்தேகத்திற்கிடமான இருவரை போலீசார் கண்காணித்துள்ளனர்.

அவர்கள் ஒரு கட்டிடத்திற்குள் சென்று சிறிது நேரத்தில் வெளியே வந்ததைத் தொடர்ந்து, போலீசார் இருவரையும் தடுத்து நிறுத்தி சோதனையிட்டனர்.

அப்போது ஒருவரிடமிருந்து போதைப்பொருள் கைப்பற்றப்பட்டது.

விசாரணையில், அந்த போதைப்பொருளை அதே கட்டிடத்தில் உள்ள ஒரு குடியிருப்பிலிருந்து பெற்றதாக அவர் தெரிவித்ததாக போலீசார் கூறுகின்றனர்.

இதையடுத்து லாகர்ஸ்ட்ராஸ் பகுதியில் உள்ள அந்த வீட்டில் போலீசார் சோதனை நடத்தினர்.

அங்கு 2,200க்கும் மேற்பட்ட LSD டோஸ்கள், 320க்கும் அதிகமான 2C-B மாத்திரைகள் மற்றும் 258 கிராம் MDMA உள்ளிட்ட போதைப்பொருட்கள் கண்டுபிடிக்கப்பட்டதாக தெரிவிக்கப்பட்டுள்ளது.

மேலும், 131 கிராம் உலர்ந்த சைலோசைபின் காளான்களும், சிறிய அளவில் கோகைன், கெட்டமைன், ஆம்பெடமைன் மற்றும் ஹஷிஷும் கைப்பற்றப்பட்டுள்ளன.

அதிர்ச்சியாக, அந்த வீட்டில் காளான்களை வளர்ப்பதற்கான 18 பெட்ரி தட்டுகள் மற்றும் பல்வேறு வளர்ப்பு பொருட்களும் இருந்ததாக போலீசார் தெரிவித்துள்ளனர்.

மேலும் சுமார் 1,500 சுவிஸ் பிராங்குகள் ரொக்கமும் கைப்பற்றப்பட்டுள்ளது.

இந்த சம்பவம் தொடர்பாக 41 வயதான சுவிஸ் நாட்டவர் ஒருவர் கைது செய்யப்பட்டு, விசாரணைக்குப் பின்னர் சூரிச் அரசு வழக்கறிஞர் அலுவலகத்திடம் ஒப்படைக்கப்பட்டுள்ளார்.

இந்த போதைப்பொருட்கள் எதற்காக சேமிக்கப்பட்டிருந்தன, அவை எவ்வாறு விநியோகிக்கப்பட்டன என்பது தொடர்பாக மேலதிக விசாரணைகள் நடைபெற்று வருகின்றன.