Signa கடன் விவகாரம்: Julius Baer-க்கு FINMA கடும் கண்டனம்!
சுவிஸ் நிதிச் சந்தை மேற்பார்வை ஆணையமான FINMA, Julius Baer வங்கிக்கு எதிரான பல ஆண்டுகால அமலாக்க நடவடிக்கையை தற்போது முடிவுக்குக் கொண்டு வந்துள்ளது.
ஆனால், விசாரணையில் வங்கி கடன் இடர் மேலாண்மை மற்றும் பணமோசடி தடுப்பு தொடர்பான விதிமுறைகளை கடுமையாக மீறியதாக FINMA தெரிவித்துள்ளது.
இந்த நடவடிக்கை முடிவடைந்ததைத் தொடர்ந்து, வங்கியின் பங்கு மூலதனம் மற்றும் பணப்புழக்கம் தொடர்பாக விதிக்கப்பட்ட சில கட்டுப்பாடுகள் தளர்த்தப்பட்டுள்ளன.
இதன் மூலம், Julius Baer மீண்டும் பங்கு மீள்வாங்கல் திட்டத்தை முன்னெடுப்பதற்கான வாய்ப்பு ஏற்பட்டுள்ளது. இதற்கான ஒப்புதலைப் பெற FINMA-விடம் வங்கி ஏற்கனவே விண்ணப்பித்துள்ளதாக தெரிவிக்கப்பட்டுள்ளது.
இந்த விசாரணையின் பின்னணியில், ஆஸ்திரிய முதலீட்டாளர் René Benko-வுடன் தொடர்புடைய Signa ரியல் எஸ்டேட் குழுமத்திற்கு Julius Baer வழங்கிய கடன்களில் ஏற்பட்ட பெரும் இழப்புகளும் இருந்தன.
2024ஆம் ஆண்டில், Signa தொடர்பான கடன்களுக்காக வங்கி 600 மில்லியன் சுவிஸ் பிராங்குகளுக்கும் அதிகமான தொகையைத் தள்ளுபடி செய்ய வேண்டியிருந்தது.
FINMA நடவடிக்கை முடிவடைந்த செய்தியைத் தொடர்ந்து Julius Baer பங்குகள் செவ்வாய்க்கிழமை குறிப்பிடத்தக்க அளவில் உயர்ந்தன.
இதேவேளை, வங்கியின் முன்னாள் ஊழியர்கள் மூவர் தொடர்பான தனிப்பட்ட மேற்பார்வை நடவடிக்கைகள் இன்னும் தொடர்கின்றன என FINMA தெரிவித்துள்ளது.
