சூரிச் விமான நிலையத்தில் பறக்க முடியாமல் தவித்த யூனைட்டட் விமானம்
சூரிச் விமான நிலையத்தில் பறக்க முடியாமல் தவித்த யூனைட்டட் விமானம்
சூரிச்சில் இருந்து சிகாகோவை நோக்கிச் செல்ல வேண்டிய யூனைட்டட் (United) விமானம் சனிக்கிழமை காலை 9.45 மணிக்கு புறப்பட வேண்டும் என்பதுதான் திட்டமாக இருந்தது. ஆனால், புறப்படும் தருணத்தில் பயணிகள் மற்றும் விமானத்துக்கு ஒரு பதற்றமான சூழ்நிலை உருவானது.
விமானம் புறப்படும் போது, அதன் இடது பக்க சக்கரங்களில் புகை எழுந்தது. அதனுடன் சக்கரங்கள் வெடித்ததும், விமானம் தானாக நகர முடியாத நிலைக்கு வந்துவிட்டது. இதனால் விமானம் விமான நிலையத்தின் 16ஆம் இலக்க ஓடு பாதையில் நின்று, அந்த பகுதியை முழுமையாக தடுத்தது.
சூரிச் விமான நிலையத்தின் பாதுகாப்புப் பிரிவான தீயணைப்புத்துறையை உடனடியாக அழைத்து, விமானத்தின் ப்ரேக்குகளை குளிர்விக்கச் செய்தனர். பின்னர் விமானத்தை அந்த ஓடு பாதையிலிருந்து நகர்த்துவதற்கான பல்வேறு முயற்சிகள் நடைபெற்று வருகின்றன. விமானம் சுயமாக நகர முடியாத நிலையில் உள்ளதால், எந்திர உதவியுடன் நகர்த்த வேண்டியுள்ளது.
அனைத்து பயணிகளும் பாதுகாப்பாக விமானத்திலிருந்து இறக்கப்பட்டு, விமான நிலைய டெர்மினலுக்கு மீண்டும் அழைத்துச் செல்லப்பட்டனர். விமான நிலைய அதிகாரிகள் இதை உறுதிப்படுத்தினர்.
முக்கியமான விடயம் என்னவென்றால், இந்த சம்பவம் விமான நிலையத்தின் பூரண செயற்பாடுகளில் எந்தவிதமான இடையூறையும் ஏற்படுத்தவில்லை. ஏனெனில் மேற்குத் திசை காற்று காரணமாக, விமான நிலையம் தற்போது கிழக்குத் திசை பறக்கும் திட்டத்தை (Ostkonzept) பின்பற்றுகிறது. இந்தத் திட்டத்தில் 16ஆம் இலக்க ஓடு பாதை பயன்பாட்டில் இல்லை என்பதால், மற்ற விமானங்கள் வழக்கம்போல் புறப்பட்டன.
இந்த சம்பவம் தொடர்பான விசாரணைகள் தொடருகின்றன. மேலும் பாதுகாப்பு நடவடிக்கைகள் மேற்கொள்ளப்பட்டு, விமான நிலையத்தில் இயல்பு நிலை மீண்டும் நிலைநாட்டப்பட்டுள்ளது.
@Blick
