இஸ்ரேலில் தடுத்து வைக்கப்பட்டிருந்த சுவிஸ் செயற்பாட்டாளர்கள் நாடு திரும்பினர்

1 week ago

568

இஸ்ரேலில் தடுத்து வைக்கப்பட்டிருந்த சுவிஸ் செயற்பாட்டாளர்கள் இன்று மீண்டும் சுவிட்சர்லாந்து திரும்பியுள்ளதாக Global Sumud Flotilla அமைப்பின் சுவிஸ் பிரிவு தெரிவித்துள்ளது.

அவர்கள் இஸ்தான்புலிலிருந்து புறப்பட்ட விமானம் மூலம் 23-05-2026 பிற்பகல் 1.15 மணியளவில் Geneva Airport விமான நிலையத்தை வந்தடைந்ததாக தெரிவிக்கப்பட்டுள்ளது.

நாடு திரும்பியவர்களில், Gaza கடற்கரைக்கு அருகிலுள்ள சர்வதேச கடற்பரப்பில் “Zio Faster” கப்பலில் இருந்தபோது கைது செய்யப்பட்ட டிசினோவைச் சேர்ந்த வீடியோ தயாரிப்பாளரும் அடங்குகிறார்.

N2 5

அவர்களின் உடல்நிலை குறித்து இதுவரை அதிகாரப்பூர்வ தகவல்கள் வெளியிடப்படவில்லை. கடந்த சில நாட்களாக அவர்களின் பாதுகாப்பு மற்றும் உடல்நிலை குறித்து கவலைகள் எழுந்திருந்தன.

ஏற்கனவே விடுவிக்கப்பட்டு திரும்பிய சில செயற்பாட்டாளர்கள், Israel Defense Forces வீரர்கள் மற்றும் போலீசாரால் தாக்குதல் மற்றும் வன்முறைக்கு உள்ளாக்கப்பட்டதாக கூறியிருந்ததால் இந்த விவகாரம் மேலும் கவனம் பெற்றது.

இதனிடையே, “உங்கள் ஆதரவை வெளிப்படுத்துங்கள், உங்கள் குரலை கேட்கவையுங்கள்” என Global Sumud Flotilla அமைப்பின் சுவிஸ் பிரிவு பொதுமக்களிடம் அழைப்பு விடுத்துள்ளது.

இந்த விவகாரத்தை மையமாகக் கொண்டு இன்று Geneva நகரில் அவசர செய்தியாளர் சந்திப்பும் ஏற்பாடு செய்யப்பட்டுள்ளதாக தெரிவிக்கப்பட்டுள்ளது.