ஆர்காவ் கன்டோனில் வீட்டுத்தோட்டத்தில் திடீரென தோன்றிய பாம்பு.!!
ஆர்காவ் கன்டோனில் வீட்டுத்தோட்டத்தில் திடீரென தோன்றிய பாம்பு.!!
சுவிட்சர்லாந்தின் ஆர்காவ் (Aargau) மாநிலத்தில் உள்ள வெல்தைம் (Veltheim AG) என்ற இடத்தில், கடந்த சனிக்கிழமை (ஜூன் 29) ஒரு வீட்டுத் தோட்டத்தில் வண்ணங்களுடன் கூடிய விஷமில்லாத பாம்பு ஒன்று கண்டுபிடிக்கப்பட்டது. இது ஒரு ‘கோனிக்ஸ்நாட்டர்’ (Königsnatter) எனப்படும் பாம்பு வகையாக இருப்பதாக பாம்பு நிபுணர்கள் உறுதிப்படுத்தினர்.
இந்த சம்பவம் சனிக்கிழமை இரவு 8.15 மணிக்கு பிறகு நடைபெற்றது. அந்த வீட்டில் இருந்த ஒரு நபர், தோட்டத்தில் சிவப்பு, கருப்பு மற்றும் வெள்ளை நிறங்களுடன் கூடிய பாம்பை பார்த்து, உடனடியாக மாநில அவசர சேவை மையத்திற்கு தகவல் வழங்கினார். தகவலின் பேரில் வந்த மாநில காவல்துறையின் (Kantonspolizei) கண்காணிப்பு குழு, பாம்பை பாதுகாப்பாக பிடித்து, ஒரு விலங்கு நிபுணரிடம் ஒப்படைத்தனர்.
தகவலின்படி, இந்த கிட்டத்தட்ட 1.5 மீட்டர் நீளமுள்ள பாம்பு எனவும், இயற்கையாக இது ஐரோப்பாவில் காணப்படுவதில்லை எனவும் தெரிவிக்கப்பட்டது.. இது பெரும்பாலும் கண்ணாடி பெட்டியில் வளர்க்கப்படும் ஒரு விலங்காகும். போலீசார், இது வீட்டிலிருந்து தவறாக வெளியே வந்ததா அல்லது யாராவது வெளியேவிட்டார்களா என்பதற்கான விசாரணையை தற்போது நடத்தி வருகின்றனர்.
இதையடுத்து, போலீசார் பொதுமக்களிடம் சாட்சிகளைக் கேட்டுள்ளனர். யாராவது அருகிலுள்ள பகுதிகளில் பாம்பு வளர்த்து வந்தவர்கள், அல்லது இந்த விஷயம் பற்றி ஏதும் தகவல் தெரிந்தவர்கள் இருப்பின், அவை முறையான வழியில் போலீசாருக்கு தெரிவிக்குமாறு கேட்டுக்கொள்ளப்பட்டுள்ளது.
@Nau
