லிடில் (Lidl) சுவிட்சர்லாந்தில் 100க்கும் மேற்பட்ட புதிய கடைகள் திறக்க திட்டம்
லிடில் (Lidl) சுவிட்சர்லாந்தில் 100க்கும் மேற்பட்ட புதிய கடைகள் திறக்க திட்டம்
ஜெர்மனியைச் சேர்ந்த தள்ளுபடி விற்பனைச் சங்கிலியான லிடில், சுவிட்சர்லாந்தில் தனது வணிகத்தை பெரிய அளவில் விரிவுபடுத்த தயாராகி வருகிறது. தற்போது நாட்டில் 190 கடைகள் இயங்கிவரும் நிலையில், வருகிற ஏழு முதல் பத்து ஆண்டுகளுக்குள் இதை சுமார் 300 கடைகளாக உயர்த்துவதே நிறுவனத்தின் திட்டம். இந்த விரிவாக்கத்தால் 2,000க்கும் மேற்பட்ட புதிய வேலைவாய்ப்புகள் உருவாகும் என்று எதிர்பார்க்கப்படுகிறது.
லிட்ல் நிர்வாகம் தெரிவித்ததாவது, பிற விற்பனையாளர்களுடன் போட்டியிடும் போது, அதிகளவு பொருட்களை மிகக் குறைந்த விலையில் வழங்குவதே நிறுவனத்தின் முக்கிய நோக்கம். “எப்போதும் மிகக் குறைந்த விலை கூடைபொருட்களை (basket of goods) வாடிக்கையாளர்களுக்கு வழங்குவோம் என்ற வாக்குறுதியை நாம் மறக்கவில்லை” என்று நிறுவனத்தின் பேச்சாளர் தெரிவித்துள்ளார்.
அண்மையில் இறைச்சி, ரொட்டி, பாஸ்தா உள்ளிட்ட அத்தியாவசிய உணவுப் பொருட்களின் விலையை கூட லிடில் குறைத்துள்ளது. சுவிட்சர்லாந்தில் உணவு மற்றும் சில்லறை விற்பனை சந்தையில் முக்கியமான போட்டிகள் நிலவுகின்றன. குறிப்பாக மிக்ரோஸ், கோப்ப் போன்ற உள்ளூர் பெரிய விற்பனையாளர்கள் மற்றும் Aldi போன்ற தள்ளுபடி சங்கிலிகளுக்கு எதிராக லிடில் தன் தளத்தை இன்னும் வலுப்படுத்த இந்த முடிவை எடுத்துள்ளதாக வல்லுநர்கள் கூறுகின்றனர்.
மக்கள் அத்தியாவசிய பொருட்களை வாங்கும் போது விலை வேறுபாடுகளை மிக நுணுக்கமாக கவனிக்கும் நாடாக சுவிட்சர்லாந்து பார்க்கப்படும் சூழலில், லிடில் இந்த விரிவாக்கத்தை சரியான காலத்தில் மேற்கொள்கிறது எனவும் கருத்து தெரிவிக்கப்படுகிறது.
© KeystoneSDA
