சூரிக்கில் இரு குழுக்களுக்கிடையே மோதல் – 21 வயது இளைஞர் காயம்

சூரிக்கில் இரு குழுக்களுக்கிடையே மோதல் – 21 வயது இளைஞர் காயம்

சூரிக் (Zürich) நகரின் Kreis 1 பகுதியில் ஞாயிற்றுக்கிழமை அதிகாலை இரண்டு குழுக்களுக்கிடையே ஏற்பட்ட மோதலில் 21 வயது இளைஞர் ஒருவர் தலையில் காயமடைந்துள்ளார்.

Stadtpolizei Zürich தெரிவித்த தகவலின்படி, சம்பவம் அதிகாலை 3 மணிக்கு முன்பாக Schipfe பகுதியில் இடம்பெற்றுள்ளது.

காயமடைந்த நபருக்கு சிகிச்சை அளிக்க அவசர உதவி பிரிவினர் அழைக்கப்பட்டதைத் தொடர்ந்து, போலீசாரும் சம்பவ இடத்துக்கு விரைந்தனர்.

அங்கு, தலையில் காயமடைந்த நிலையில் 21 வயதுடைய ஆப்கானிஸ்தான் நாட்டைச் சேர்ந்த இளைஞர் ஒருவர் கண்டுபிடிக்கப்பட்டார்.

அவருக்கு ஆரம்ப சிகிச்சை வழங்கப்பட்ட பின்னர் மருத்துவமனைக்கு கொண்டு செல்லப்பட்டார்.

ஆரம்பக்கட்ட விசாரணைகளின்படி, அவர் தனது நண்பர்களுடன் இருந்தபோது மற்றொரு குழுவுடன் முதலில் வாய்த்தகராறு ஏற்பட்டுள்ளது.

பின்னர் அந்த தகராறு மோதலாக மாறியதாகவும், அதன்போது ஒருவர் பொருளால் தாக்கியதில் அவர் தலையில் காயமடைந்ததாகவும் தெரிவிக்கப்பட்டுள்ளது.

சம்பவத்தின் சரியான பின்னணி மற்றும் தாக்குதல் எவ்வாறு நடந்தது என்பது இன்னும் தெளிவாகவில்லை.

இந்த வழக்கின் மேலதிக விசாரணைகளை  Kantonspolizei Zürich மேற்கொண்டு வருகின்றன.