சுவிட்சர்லாந்தில் மின்சார கார் வரிச்சலுகைகள் குறையுமா? – அரசியல் விவாதம் தீவிரம்

சுவிட்சர்லாந்தில் மின்சார கார் வரிச்சலுகைகள் குறையுமா? – அரசியல் விவாதம் தீவிரம்

சுவிட்சர்லாந்தில் பெட்ரோல் மற்றும் டீசல் வாகனங்களிலிருந்து மக்கள் அதிகமாக மின்சார வாகனங்களுக்கு மாறி வரும் நிலையில், EV களுக்கான வரிச்சலுகைகள் தற்போது அரசியல் விவாதமாக மாறியுள்ளது.

குறிப்பாக Basel-Stadt கன்டோனில் இந்த விவகாரம் அவசர கவனத்தை பெற்றுள்ளது. அங்கு மின்சார வாகனங்கள் மொத்த வாகன எண்ணிக்கையின் 5 சதவீதத்தை கடந்துள்ளதால், தற்போது வழங்கப்பட்டு வரும் 50 சதவீத மோட்டார் வாகன வரிச்சலுகை தானாகவே நிறுத்தப்படக்கூடும் என தெரிவிக்கப்பட்டுள்ளது.

ஆனால் Social Democratic Party of Switzerland இந்த சலுகையை உடனடியாக நீக்கக் கூடாது என வலியுறுத்தியுள்ளது. வரிச்சலுகைகள் விரைவாக நீக்கப்பட்டால், சுற்றுச்சூழலுக்கு உகந்த போக்குவரத்துக்கான மாற்றம் மந்தமடையக்கூடும் என கட்சி எச்சரித்துள்ளது.

இந்த விவாதம் சுவிட்சர்லாந்தின் பல கன்டோன்களில் மின்சார வாகனங்களுக்கு விதிக்கப்படும் வரி முறைகள் ஒன்றுபோல இல்லாததையும் வெளிப்படுத்துகிறது.

உதாரணமாக Zurich கன்டோனில் தற்போது மின்சார வாகனங்கள் முழுமையாக மோட்டார் வாகன வரியில் இருந்து விலக்கு பெற்றுள்ளன. மற்ற சில கன்டோன்கள் தற்காலிக தள்ளுபடி அல்லது நிரந்தர குறைந்த கட்டண முறைமைகளை பயன்படுத்துகின்றன.

இதற்கிடையில், Albert Rösti தலைமையில் கூட்டாட்சி அரசு 2030ஆம் ஆண்டிலிருந்து மின்சார வாகனங்களுக்கும் தேசிய அளவில் வரி விதிக்கும் திட்டத்தை தயாரித்து வருகிறது.

எரிபொருள் வரி வருவாய்கள் குறைந்து வருவதால், சாலைகள் பராமரிப்புக்கான நிதியை ஈடு செய்ய இந்த திட்டம் கொண்டு வரப்படுவதாக தெரிவிக்கப்படுகிறது.

ஆனால் இந்த யோசனை அரசியல் ரீதியாக கடும் விவாதத்தை ஏற்படுத்தியுள்ளது. ஆதரவாளர்கள், மின்சார வாகன ஓட்டிகளும் சாலை கட்டமைப்புக்கான செலவுகளில் சமமாக பங்களிக்க வேண்டும் என கூறுகின்றனர்.

மற்றபுறம், புதிய வரிகள் மின்சார வாகன பயன்பாட்டை பாதிக்கக்கூடும் என்றும், சுவிட்சர்லாந்தின் பசுமை போக்குவரத்து இலக்குகளுக்கு தடையாக அமையலாம் என்றும் விமர்சகர்கள் எச்சரிக்கின்றனர்.