சுவிட்சர்லாந்தில் டிஜிட்டல் ஓட்டுநர் உரிமம் அறிமுகம் நோக்கில் முன்னேற்றம்

சுவிட்சர்லாந்தில் டிஜிட்டல் ஓட்டுநர் உரிமம் அறிமுகம் நோக்கில் முன்னேற்றம்

சுவிட்சர்லாந்தில் பாரம்பரியமாக கையிலே எடுத்துச் செல்ல வேண்டிய ஓட்டுநர் உரிமப் பத்திரத்தை மாற்றி, டிஜிட்டல் வடிவிலான ஓட்டுநர் உரிமத்தை அறிமுகப்படுத்தும் முயற்சி முக்கிய முன்னேற்றத்தை கண்டுள்ளது. இதற்கான முன்மொழிவை National Council வியாழக்கிழமை ஒப்புதல் அளித்துள்ளது.

இந்த முன்மொழிவின் படி, எதிர்காலத்தில் ஓட்டுநர்கள் கட்டாயமாக உடனே கையாள வேண்டிய பிளாஸ்டிக் அல்லது காகித உரிமம் இல்லாமல், மின்னணு வடிவிலான (digital) உரிமத்தை பயன்படுத்தும் வசதி ஏற்படும். இது, சுவிட்சர்லாந்தில் நடைமுறையில் உள்ள நிர்வாக செயல்முறைகளை எளிதாக்கும் ஒரு முக்கிய மாற்றமாக கருதப்படுகிறது.

இந்த மாற்றத்துக்கு ஆதரவாக செயல்பட்ட Benjamin Giezendanner கூறியதாவது, “இந்த நடவடிக்கை பொதுமக்களுக்கும் அதிகாரிகளுக்கும் செயல்முறைகளை மிக எளிதாக்கும்” என அவர் தெரிவித்துள்ளார். டிஜிட்டல் ஆவணங்கள் மூலம் அடையாளத்தை உறுதிப்படுத்துவது வேகமாகவும் பாதுகாப்பாகவும் இருக்கும் என்பதும் இந்த திட்டத்தின் முக்கிய அம்சமாகும்.

சுவிட்சர்லாந்து அரசு கடந்த சில ஆண்டுகளாக பல சேவைகளை டிஜிட்டல் மயமாக்கும் பணியில் ஈடுபட்டு வருகிறது. அதே தொடர்ச்சியாக ஓட்டுநர் உரிமத்தை டிஜிட்டல் வடிவில் கொண்டு வருவது, நவீன நிர்வாகத்திற்கான முக்கிய முன்னேற்றமாக பார்க்கப்படுகிறது.

இந்நிலையில், இந்த முன்மொழிவு அடுத்த கட்டமாக Council of States இல் விவாதிக்கப்பட உள்ளது. அங்கு ஒப்புதல் கிடைத்தால், சுவிட்சர்லாந்தில் டிஜிட்டல் ஓட்டுநர் உரிமம் நடைமுறைக்கு வரும் வாய்ப்பு அதிகரிக்கும்.

© KeystoneSDA