பெர்னில் நடந்த விளையாட்டுக்குப்பிறகு காவலர்கள் மீது தாக்குதல் சனிக்கிழமை மாலை Bern Young Boys மற்றும் FC Lucerne அணிகளுக்கு இடையிலான கால்பந்து போட்டியின் பின்னர், வருகை தந்த ரசிகர்கள் போக்குவரத்து பொலிஸ் மற்றும் BLS பாதுகாப்பு சேவையின் ஊழியர்களைத் தாக்கியதில் இருவர் காயமடைந்தனர். கன்டோனல் போலீசார் அறிவித்தபடி, காயமடைந்த இருவரும் மருத்துவ சிகிச்சை பெற வேண்டியிருந்தது. ஸ்டேடியத்திலும் அதைச் சுற்றியும் பயணம் மற்றும் விளையாட்டின் போது இதற்கு முன்பு பெரிய சம்பவங்கள் எதுவும் இல்லை. சிறப்பு ரயிலில் ரசிகர்கள் ஏறியபோது நடைமேடையில் SBB போக்குவரத்து போலீஸ் மற்றும் BLS பாதுகாப்பு சேவை ஊழியர்கள் மீது வன்முறைமேற்கொள்ளப்பட்டது. இச்சம்பவம் தொடர்பில் கன்டோனல் போலீசார் விசாரணைகளை ஆரம்பித்துள்துள்ளதாக இன்று ஞாயிற்றுக்கிழமை அறிவித்துள்ளது. இதே வேளை சூரிச்சில் இடம்பெற்ற கால்பந்து போட்டியின் போது மைதானத்திற்கு முன்பாக முகமூடி அணிந்த குண்டர்கள் ரயில் மீது தாக்குதல் நடத்தியுள்ளமை குறிப்பிடத்தக்கது.(dab/sda)
