ஒல்டன் ரயில் நிலையத்தில் கியோஸ்க் கொள்ளை முயற்சி – பாதசாரிகள் தடுத்து ஒப்படைத்தார்
ஒல்டன் ரயில் நிலையத்தில் கியோஸ்க் கொள்ளை முயற்சி – பாதசாரிகள் தடுத்து ஒப்படைத்தார்
சுவிஸ் நாட்டின் சோலோதுர்ன் (Solothurn) மாகாணத்தில் உள்ள ஒல்டன் (Olten) ரயில் நிலையத்தில் இன்று அதிகாலை திருட்டு சம்பவம் ஒன்று நடந்தது. 38 வயது சுவிஸ் நாட்டைச் சேர்ந்த ஒருவன் கியோஸ்க் ஒன்றை உடைத்து கொள்ளையடிக்க முயன்றார். ஆனால் அந்த முயற்சி தோல்வியடைந்து, அவர் பாதசாரிகளால் தடுக்கப்பட்டு பின்னர் போலீசாரிடம் ஒப்படைக்கப்பட்டார்.
இந்த சம்பவம் காலை 3.30 மணியளவில் நடைபெற்றதாக கான்டன் போலீசார் வெளியிட்ட அறிக்கையில் குறிப்பிடப்பட்டுள்ளது. தகவல் கிடைத்தவுடன் பல காவல் வாகனங்கள் உடனடியாக சம்பவ இடத்துக்கு வந்தன. அதற்கு முன் அங்கு இருந்த சில பாதசாரிகள், சந்தேக நபரை தடுத்து நிறுத்தி போலீசாரின் வருகை வரை காத்திருந்தனர்.
போலீசார் அந்த நபரை கைது செய்தபோது, அவரிடம் திருடப்பட்ட பொருட்கள் இருந்ததாகவும் அதிகாரிகள் உறுதிப்படுத்தியுள்ளனர். தற்போது அந்த நபர் மீது மேலதிக விசாரணை நடைபெற்று வருகிறது.
சுவிஸில் ரயில் நிலையங்கள் பொதுவாக பாதுகாப்பானவையாகக் கருதப்படுகின்றன. எனினும், அதிகாலை நேரங்களில் நடக்கும் இத்தகைய சம்பவங்கள் பாதுகாப்பு ஏற்பாடுகளை மேலும் வலுப்படுத்த வேண்டிய தேவையை நினைவூட்டுவதாக உள்ளூர் ஊடகங்கள் குறிப்பிட்டுள்ளன.
© Kapo SO
