லௌசானில் பாலஸ்தீன ஆதரவு பேரணியில் கார் ஓட்டிய நபருக்கு 20 குற்றச்சாட்டுகள்

லௌசானில் பாலஸ்தீன ஆதரவு பேரணியில் கார் ஓட்டிய நபருக்கு 20 குற்றச்சாட்டுகள்

சுவிட்சர்லாந்தின் லௌசான் நகரில் கடந்த செப்டம்பர் 6 ஆம் தேதி நடைபெற்ற பாலஸ்தீன ஆதரவு ஆர்ப்பாட்டத்தின் போது, BMW காரை கூட்டத்தில் செலுத்திய 56 வயது நபருக்கு எதிராக சுமார் இருபது குற்றச்சாட்டுகளை வழக்கறிஞர்கள் பதிவு செய்துள்ளனர்.

அவர்மீது சுமத்தப்பட்டுள்ள குற்றச்சாட்டுகளில் கொலை முயற்சி மற்றும் உயிருக்கு ஆபத்தாக நடந்து கொண்டது என்பனவும் அடங்கும். இந்த சம்பவத்தில் இரு பேர் லேசான காயங்களுக்குள்ளாகினர். சம்பவத்துக்குப் பிறகு உடனடியாக அந்த நபர் கைது செய்யப்பட்டு இரண்டு நாட்கள் காவலில் வைக்கப்பட்டார். பின்னர் அவர், “நான் யாருக்கும் சேதம் செய்ய எண்ணவில்லை, அவசரமாக இருந்ததால் சாலையில் செல்வதாக நினைத்து விட்டேன்” என விளக்கம் அளித்தார்.

ஆனால் இந்த நிகழ்வு நகர சபையில் கடும் விவாதத்தை ஏற்படுத்தியுள்ளது. அச்சமயம் அங்கு இருந்த கவுன்சிலர் லியோனி கோவாலிவ், “கார் கூட்டத்தில் முன்னேறிய அந்த நொடியில் பயம், பதட்டம், அதிர்ச்சி ஆகிய உணர்வுகளை நாங்களெல்லாம் அனுபவித்தோம்” என்று தெரிவித்துள்ளார்.

பாலஸ்தீன ஆதரவு ஆர்ப்பாட்டங்கள் சுவிட்சர்லாந்தின் பல நகரங்களில் தொடர்ந்து நடைபெற்று வரும் நிலையில், இந்த சம்பவம் மக்கள் பாதுகாப்பு மற்றும் ஆர்ப்பாட்ட உரிமைகள் குறித்த கேள்விகளை மீண்டும் எழுப்பியுள்ளது. சமூகத்துக்குள் அதிகரித்து வரும் அரசியல் பதற்றங்கள் மற்றும் அதன் தாக்கங்கள் குறித்து விவாதங்கள் தீவிரமடைந்துள்ளன.

© WRS