சூரிச் விமான நிலையம் – 2025 முதல் பாதியில் வருமானமும் லாபமும் அதிகரிப்பு

சூரிச் விமான நிலையம் – 2025 முதல் பாதியில் வருமானமும் லாபமும் அதிகரிப்பு

சூரிச் விமான நிலையம் 2025 ஆம் ஆண்டின் முதல் பாதியில் வருமானத்திலும் நிகர லாபத்திலும் உயர்வை பதிவு செய்துள்ளது. இதனையடுத்து, ஆண்டு முழுவதற்கான லாப மதிப்பீடுகளும் மேலோட்டமாக திருத்தப்பட்டுள்ளன என்று விமான நிலைய நிர்வாகம் செவ்வாயன்று அறிவித்தது.

மொத்த வருமானம் பயணிகள் எண்ணிக்கை அதிகரித்ததன் மூலம் 2% உயர்ந்து 641 மில்லியன் ஃபிராங்காக உயர்ந்தது. அதில், விமானப் பிரிவின் வருமானம் 4% அதிகரித்து 327 மில்லியன் ஃபிராங்கை எட்டியது. ஆனால், விமானத்திற்கு அப்பாற்பட்ட பிரிவு – குறிப்பாக சொத்து வாடகை மற்றும் சர்வதேச வருமானங்கள் – 1% குறைந்து 313 மில்லியன் ஃபிராங்காக இருந்தது.

இதேவேளை, இயக்கச் செலவுகள் 1% குறைந்து 282 மில்லியன் ஃபிராங்காக இருந்தன. இதன் விளைவாக, செயல்பாட்டு லாபம் (EBITDA) 3% உயர்ந்து 359 மில்லியன் ஃபிராங்காகவும், நிகர லாபம் 6% அதிகரித்து 161 மில்லியன் ஃபிராங்காகவும் உயர்ந்தது.

எதிர்பார்ப்புகளை மிஞ்சிய முடிவுகள்

இந்த வளர்ச்சி, வருமானத்தில் சந்தை ஆய்வாளர்களின் எதிர்பார்ப்புகளை பூர்த்தி செய்ததோடு, லாப அளவுகளில் அதைத் தாண்டியுள்ளதெனவும் குறிப்பிடப்பட்டது. ஆண்டு முழுவதற்கான முன்னறிவிப்புகள் இப்போது வசந்த காலத்தில் வெளியிடப்பட்டதை விட அதிக நம்பிக்கையுடன் திருத்தப்பட்டுள்ளன.

நிர்வாகம் தெரிவித்ததாவது, 2025 ஆம் ஆண்டில் சுமார் 32 மில்லியன் பயணிகள் பயன்படுத்துவார்கள் என எதிர்பார்க்கப்படுகிறது. இது, 2019 இல் பதிவு செய்யப்பட்ட 31.5 மில்லியன் பயணிகள் என்ற வரலாற்று சாதனையை முதன்முறையாக மீறும் என கூறப்படுகிறது. கடந்த ஆண்டு பயணிகள் எண்ணிக்கை 31.2 மில்லியன் ஆக இருந்தது.

மேலும், செயல்பாட்டு லாபம் (EBITDA) கடந்த ஆண்டை விட சற்று அதிகமாகவும், நிகர லாபம் கடந்த ஆண்டின் நிலையைப் போலவே இருக்கும் என புதிய மதிப்பீடுகள் தெரிவிக்கின்றன. இதன் மூலம் முந்தைய “நிலையான செயல்பாட்டு லாபம் மற்றும் சற்றே குறைவான நிகர லாபம்” என்ற கணிப்புகள் மேல்நோக்கி திருத்தப்பட்டுள்ளன.

@Keystone-SDA