வரிகளை குறைக்க திட்டமிட்டுள்ள சுவிட்சர்லாந்தின் சில கன்டோன்கள்
சுக் (Zug), ஷ்வீட்ஸ் (Schwyz), நிட்வால்டென் (Nidwalden) மற்றும் லுசேர்ன் (Luzern) கன்டோன்கள் தங்கள் வரிகளை மேலும் குறைக்க திட்டமிட்டுள்ளன.
இந்த முடிவு, குறிப்பாக நடுத்தர மக்கள் மற்றும் பணக்காரர்களுக்கு அதிக பயனளிக்கும். அதேசமயம், குடும்பங்களும் நிறுவனங்களும் இப்பகுதியில் குடியேற ஆர்வம் கொள்ளும்படி, பகுதியின் கவர்ச்சியை அதிகரிப்பதே இலக்கு என அதிகாரிகள் விளக்குகின்றனர்.
ஆனால், அனைவரும் இதனை நல்ல யோசனை என ஏற்கவில்லை. சூரிச்சிலுள்ள ETH பொருளாதார ஆராய்ச்சி மையம் வெளியிட்ட ஆய்வில், இந்த நடவடிக்கை மக்கள்தொகை பிரிவினை (segregation) அதிகரிக்கும் அபாயம் உள்ளதாக எச்சரிக்கப்பட்டுள்ளது.
அதாவது, பணக்காரர்கள் குறைந்த வரி உள்ள கன்டோன்களில் குடியேற, ஏழைகள் உள்ள கன்டோன்கள் அதிக சமூகச் செலவுகளால் பாதிக்கப்படலாம் என்று ஆராய்ச்சியாளர்கள் எச்சரித்துள்ளனர்.
@KeystoneSDA
