மன்னிப்பு கோரிய பிரபல சுவிஸ் கைக்கடிகார நிறுவனம்

மன்னிப்பு கோரிய பிரபல சுவிஸ் கைக்கடிகார நிறுவனம்

சுவிட்சர்லாந்து கைக்கடிகார உற்பத்தி நிறுவனமான சுவாட்ச், விளரம்பம் ஒன்று தொடர்பில் மன்னிப்பு கோரியுள்ளது. சீனாவில் இனவாத குற்றச்சாட்டுகளை தொடர்ந்து உலகளவில் ஒரு விளம்பர பிரசாரத்தை வாபஸ் பெற்று மன்னிப்பு கோரியுள்ளது.

இந்த விளம்பரத்தில் ஒரு விளம்பர மாடல் தனது கண்களின் மூலைகளை இழுத்து காட்டியுள்ளார். சுவாட்ச் நிறுவனத்தின் ஓர் விளம்பரத்தில், ஒரு ஆசிய ஆண் மாடல் தனது விரல்களால் கண்களை மேலும் பின்னும் இழுத்து காட்டுவதாக காண்பிக்கப்பட்டுள்ளது.

இந்த விளம்பரப் பிரசாரம் சீனாவில் இணையத்தில் பரவலாக கண்டிக்கப்பட்டன, அங்கு பலரும் இது ஆசிய கண்களைப் பற்றிய இனவாத அவமானங்களைப் போலத் தோன்றுவதாக கருத்து தெரிவித்தனர்.

ஞாயிற்றுக்கிழமை வெளியிடப்பட்ட ஒரு அதிகாரபூர்வ மன்னிப்பு அறிக்கையில், சுவாட்ச் அண்மைய கவல்களை “கவனத்தில் கொண்டு” உலகெங்கிலும் அனைத்து தொடர்புடைய பொருட்களையும் நீக்கியதாக தெரிவித்தது.

“இதனால் ஏற்பட்ட எந்தவித துன்பம் அல்லது தவறான புரிதலுக்கும் நாங்கள் உண்மையான மன்னிப்பு கோருகிறோம்,” என்று அறிக்கையில் கூறப்பட்டது.
இதே மன்னிப்பை இன்ஸ்டாகிராமிலும் பதிவிட்டுள்ளது.

Source @Tamilnewsch