என்ஜின் பிரச்சினையால் ஜெனீவாவில் இருந்து பல விமான சேவைகள் ரத்து – Swiss விமான நிறுவனம் அறிவிப்பு

10 hours ago

563

Swiss International Air Lines தனது Airbus A220 விமானங்களில் ஏற்பட்டுள்ள என்ஜின் பிரச்சினைகள் காரணமாக, இந்த குளிர்கால அட்டவணையில் ஜெனீவாவிலிருந்து இயக்கப்பட்ட சில முக்கிய விமான சேவைகளை நிறுத்தவுள்ளதாக அறிவித்துள்ளது.

விமான என்ஜின்கள் மற்றும் உதிரிப் பாகங்கள் பற்றாக்குறை தொடர்ந்து நிலவி வருவதால், ஜெனீவாவில் இருந்து Berlin, Hamburg மற்றும் Pristina நகரங்களுக்கு செல்லும் விமான சேவைகள் குளிர்கால அட்டவணையில் இருந்து நீக்கப்படவுள்ளதாக நிறுவனம் தெரிவித்துள்ளது.

N3 2

சமீப மாதங்களில் பல Airbus A220 விமானங்கள் நீண்டகாலமாக தரையில் நிறுத்தப்பட்டிருந்ததால், சேவைகளின் நம்பகத்தன்மையை மேம்படுத்தும் நோக்கில் இந்த மாற்றங்கள் மேற்கொள்ளப்படுவதாக Swiss நிறுவனம் விளக்கியுள்ளது.

Airbus A220 விமானங்களில் பயன்படுத்தப்படும் சில என்ஜின்களில் உலகளவில் தொழில்நுட்ப சிக்கல்கள் பதிவாகியுள்ள நிலையில், பல விமான நிறுவனங்கள் விமான அட்டவணை மாற்றங்கள் மற்றும் சேவை குறைப்புகளை மேற்கொண்டு வருகின்றன.

இந்த புதிய மாற்றங்கள், குறிப்பாக ஜெனீவாவை பயன்படுத்தும் வணிக மற்றும் சர்வதேச பயணிகளுக்கு பாதிப்பை ஏற்படுத்தக்கூடும் என விமானப் பயண துறை வட்டாரங்கள் தெரிவிக்கின்றன.WRS