வின்டர்தூரில் காரில் சிக்கிய இரண்டரை வயது குழந்தைதையை மீட்ட போலீசார்

வின்டர்தூரில் காரில் சிக்கிய இரண்டரை வயது குழந்தைதையை மீட்ட போலீசார்

சுவிட்சர்லாந்தில் தற்போது அதிகரித்துள்ள வெப்பமான காலநிலையில், ஒரு காருக்குள் சிக்கியிருந்த இரண்டரை வயது சிறுவன் நேற்று பிற்பகலில், போலீசாரின் விரைவு செயலில் கண்ணாடி உடைத்து மீடப்பட்ட சம்பவம் பரவலாக பேசப்படுகிறது.

கதவை மூடிக்கொண்ட சிறுவன் – தாயார் பயத்தில் போலீசாரை அழைத்தார்

இந்த சம்பவம் வின்டர்தூரில் (Winterthur) உள்ள ஒரு parking area இல் நடந்தது. தாயார் தனது சிறுவனை காரில் உட்கார வைத்து, பின்பு தற்செயலாக கதவை மூடிவிட்டு வெளியே வந்ததாகக் கூறப்படுகின்றது. அதற்குள் குழந்தை அவசரமாக கதவை லாக் செய்து விட்டது.

தாயார் கதவைத் திறக்க முடியாமல் பரிதாபத்தில் அதிகாரிகளிடம் உதவி கோர, வின்டர்தூர் நகர காவல் துறையினர் (Stadtpolizei Winterthur) உடனடியாக சம்பவ இடத்திற்கு விரைந்தனர்.

கண்ணாடி உடைத்து சிறுவனை மீட்ட போலீசார்

அந்த நேரத்தில், வெளி வெப்பநிலை 30°C-ஐ கடந்த சூழ்நிலையில், காருக்குள் வெப்பம் வேகமாக அதிகரித்து வந்தது. சிறுவனும்  தப்பிக்க முடியாத சூழ்நிலையில் கண்ணாடி வழியாக பார்த்துக் கொண்டிருந்தான். சமயம் தவறவிடக் கூடாது என்பதனால், போலீசார் எந்தவிதமான தாமதமும் செய்யாமல், காரின் சாளர கண்ணாடியை உடைத்து, சிறுவனை பாதுகாப்பாக மீட்டனர்.

குழந்தைக்கு பாதிப்பேதும் இல்லை

மீட்பு பணிக்குப் பிறகு குழந்தையை பரிசோதித்த அதிகாரிகள்,

“குழந்தைக்கு எந்த உடல் பாதிப்பும் இல்லை. அவனை மருத்துவமனையில் தொடர்ந்து கண்காணிக்க வேண்டும் என்ற அவசியமும் இல்லாது பாதுகாப்பாக இருக்கிறான்,”
எனத் தெரிவித்தனர்.

பொது மக்களுக்கு எச்சரிக்கை

இத்தகைய சம்பவங்கள் ஏற்கனவே பல நாடுகளில் தீவிர பாதிப்புகளுடன் முடிவடைந்திருக்கின்றன. அதனால், போலீசார் மற்றும் Swiss Road Safety அமைப்புகள், பெற்றோர்களுக்கு தொடர்ந்து எச்சரிக்கை விடுத்து வருகின்றன.

@20min.