சுவிட்சர்லாந்து போலீசாரை ஆச்சரியத்தில் ஆழ்த்திய பறவை.!!
சுவிட்சர்லாந்து போலீசாரை ஆச்சரியத்தில் ஆழ்த்திய பறவை.!!
மத்திய சுவிட்சர்லாந்தில், ஒரு வேக கேமரா ஒரு அசாதாரண போக்குவரத்து குற்றவாளியைப் படம்பிடித்தது. பெர்னுக்கு அருகிலுள்ள கோன்சிக் நகராட்சியில் மணிக்கு 30 கிமீ வேக மண்டலத்தில் மணிக்கு 52 கிலோமீட்டர் வேகத்தில் சென்ற பறவை ஒன்றே இவ்வாறு வேக கமராவில் சிக்கியுள்ளது. . பின்னர் நகராட்சி தனது பேஸ்புக் பக்கத்தில் ரேடார் படத்தை வெளியிட்டது பெரும் பரபரப்பை ஏற்படுத்தியது.
இந்த சம்பவம் ஏப்ரல் 13 ஆம் தேதி நடந்தது. போலீசார் அந்த காட்சிகளைப் பார்த்தபோது ஆச்சரியமடைந்தனர், அதில் “வேகமாக வந்தவர்” ஒரு பறக்கும் வாத்து இனத்தை சேர்ந்த ஒரு பறவை என்பதைக் கண்டுபிடித்தனர். இந்தக் கதையை முதலில் “பெர்னர் ஜெய்டுங்” செய்தித்தாள் வெளியிட்டது, பின்னர் அது இன்னும் சுவாரஸ்யமான விவாதத்தை தூண்டியது.
ஏனென்றால், சரியாக ஏழு ஆண்டுகளுக்கு முன்பு, அதே இடத்தில், அதே தேதியில், இதேபோன்ற ஒரு பறவை அதே வரம்புள்ள பகுதியில் மணிக்கு 52 கிமீ வேகத்தில் சென்று வேக கமராவில் படம்பிடிக்கப்பட்டது.
ஆனால் காவல்துறை தெளிவுபடுத்தியதுபோல் குற்றம் நிராகரிக்கப்பட்டது. ஆனால் படங்களைமாற்ற முடியாது, இந்த சாதனங்கள் ஆண்டுதோறும் சுவிஸ் ஃபெடரல் இன்ஸ்டிடியூட் ஆஃப் மெட்ராலஜி (METAS) ஆல் சரிபார்க்கப்பட்டு அளவீடு செய்யப்படுகின்றன. எடுக்கப்பட்ட படங்கள் சீல் வைக்கப்பட்டு பாதுகாப்பானதாக வைக்கப்பட்டுள்ளதாக தெரிவித்துள்ளனர்.
இரு தடவைகளிலும் பறந்தது ஒரே பறவைதானா அல்லது அதே இனத்தை சேர்ந்த வேறு பறவையா என்பது தெரியவில்லை. ஆனால் இந்த வாத்து நிச்சயமாக வேக வரம்பைப் பின்பற்றவில்லை என்பது மட்டும் நிச்சயம்.
