சுவிஸ் வாகன ஓட்டிகளுக்கு இறுதி அறிவிப்பு – வின்யெட்டைக் வாங்க இன்னும் சில நாட்களே மீதம்
சுவிஸ் வாகன ஓட்டிகளுக்கு இறுதி அறிவிப்பு – வின்யெட்டைக் வாங்க இன்னும் சில நாட்களே மீதம்
சுவிட்சர்லாந்தில் நெடுஞ்சாலைப் பயணத்திற்கு அவசியமான நெடுஞ்சாலை வின்யெட்டைக் (Autoroute Vignette) வாங்குவதற்கான கடைசி நாள் ஜனவரி 31 ஆகும். இந்த தேதிக்குள் வின்யெட்டைக் பெறாத வாகன ஓட்டுநர்கள் அபராதத்தை எதிர்கொள்ள நேரிடலாம் என அதிகாரிகள் எச்சரித்துள்ளனர்.
சமீப ஆண்டுகளில் டிஜிட்டல் சேவைகளின் பயன்பாடு அதிகரித்துள்ள நிலையில், இப்போது விற்பனை செய்யப்படும் வின்யெட்டுகளில் சுமார் பாதி அளவு மின்னணு வின்யெட்டாகவே (e-vignette) வாங்கப்படுகின்றன. இது எண் பலகையுடன் நேரடியாக இணைக்கப்படுவதால், ஸ்டிக்கர் ஒட்ட வேண்டிய அவசியம் இல்லாமல் இருப்பது இதன் முக்கிய நன்மையாக பார்க்கப்படுகிறது.
இதேவேளை, இணைய வழியாக e-vignette வாங்கும் போது மோசடிகளுக்கு ஆளாகும் அபாயம் இருப்பதாக சுவிட்சர்லாந்து அரசு பொதுமக்களை எச்சரித்துள்ளது. அதிகாரப்பூர்வ விலையான 40 சுவிஸ் ஃப்ராங்க் மட்டுமே வின்யெட்டின் நிரந்தர விலை எனவும், இதற்கு மேல் எந்தக் கட்டணமும் வசூலிக்கப்படக் கூடாது எனவும் தெளிவுபடுத்தப்பட்டுள்ளது.
ஆனால் சில இணையதளங்கள் அதிக விலையை வசூலிப்பதோடு, தேவையற்ற சந்தா முறைகளையும் வழங்கி வாகன ஓட்டுநர்களை ஏமாற்ற முயற்சிப்பதாக தெரிவிக்கப்படுகிறது. எனவே, மின்னணு வின்யெட்டைக் வாங்க விரும்புபவர்கள் கட்டாயமாக அரசின் அதிகாரப்பூர்வ இணையதளம் மூலமாக மட்டுமே வாங்க வேண்டும் என அறிவுறுத்தப்பட்டுள்ளது.
நெடுஞ்சாலைகளில் சட்டப்படி பயணம் செய்யவும், தேவையற்ற அபராதங்களைத் தவிர்க்கவும், வாகன ஓட்டுநர்கள் கடைசி நாளுக்குள் சரியான முறையில் வின்யெட்டைப் பெற்றுக்கொள்ள வேண்டும் என போக்குவரத்து அதிகாரிகள் கேட்டுக்கொண்டுள்ளனர். © WRS
