சூரிச்சில் சந்தேகத்திற்கிடமான போதைப்பொருள் வியாபாரிகள் கைது சூரிச் கன்டோன் , விண்டர்தூர் நகர போலீஸார் செவ்வாய்கிழமை மாலை, இருவரைக் கைது செய்து, ஒரு கிலோவுக்கும் அதிகமான கோகோயின் மற்றும் பணத்தைக் கைப்பற்றினர். செவ்வாயன்று, மாலை 6 மணிக்கு முன்னதாக, வின்டர்தூர் நகர காவல்துறையின் புலனாய்வாளர்கள், மக்களின் உதவிக்குறிப்புகளுக்கு அமைய Oberwinterthur இல் சந்தேகத்திற்குரிய போதைப்பொருள் பரிமாற்றத்தை அவதானிக்க முடிந்தது . சிறிது நேரம் கழித்து, சம்பந்தப்பட்ட நபர்களில் ஒருவரை போலீசார் சோதனை செய்தனர், அதில் ஒரு சிறிய அளவு கோகோயின் போலீசாரால் கைப்பற்றப்பட்டது. அதன் பிறகு 54 வயதான சுவிஸ் நபர் அவ்விடத்திலையே கைது செய்யப்பட்டார். வேறொருவரிடமிருந்து கோகோயின் வாங்கியதாக அவர் போலீசாரிடம் கூறினார் . பொலிஸ் விசாரணைகளில் மற்றையவர் 36 வயதான நைஜீரியர் என தெரியவந்துள்ளது. அவருடைய வீட்டில் சோதனை செய்த போது கொக்கைன் கண்டுபிடிக்கப்பட்டது. 1.2 கிலோகிராம் கொக்கெய்ன் போதைப்பொருள் மற்றும் பெருமளவிலான பணமும் கைப்பற்றப்பட்டுள்ளது. மேலும் அந்த குடியிருப்பில் நைஜீரியரான 32 வயது நபரும் இருந்துள்ளார். போதைப்பொருள் வியாபாரிகள் என சந்தேகிக்கப்படும் இருவர் கைது செய்யப்பட்டு அரசு வழக்கறிஞர் அலுவலகத்திற்கு கொண்டு செல்லப்பட்டமை குறிப்பிடத்தக்கது. அறிக்கையின் ஆதாரம்: Winterthur City Police
