இன்டர்லாகனில் தொடர்ச்சியான திருட்டு: மூன்று சந்தேக நபர்கள் கைது
இன்டர்லாகனில் தொடர்ச்சியான திருட்டு: மூன்று சந்தேக நபர்கள் கைது
பெர்ன் கண்டோன் காவல்துறை வியாழக்கிழமை அதிகாலை இன்டர்லாகனில் நடைபெற்ற பல திருட்டு சம்பவங்களில் மூன்று சந்தேக நபர்களை கைது செய்தது. சம்பவ இடங்களில் இருந்து திருடப்பட்ட பணமும் மின்னணு சாதனங்களும் மீட்கப்பட்டுள்ளன.
அக்டோபர் 2ஆம் தேதி காலை 4.15 மணியளவில் ரோசன்ஷ்ட்ராஸ்ஸே பகுதியில் நடந்த உடைமுடை திருட்டு குறித்து காவல்துறைக்கு முதல் தகவல் கிடைத்தது. விசாரணை நடைபெற்று கொண்டிருந்தபோது, 4.35 மணிக்கு ஹோய்வேக் பகுதியில் இன்னொரு உடைமுடை திருட்டு நடந்ததாக இரண்டாவது தகவலும் வந்தது.
அங்கு சென்ற காவல்துறை ரோந்து குழுவினர் இரு நபர்களை பார்த்ததும், அவர்கள் இன்டர்லாகன் கிழக்கு ரயில் நிலையம் நோக்கி தப்பிச் சென்றனர். அதில் ஒருவரை குர்சால் அருகே ஆரே ஆற்றங்கரையில், காவல் நாயான “சொரோ” வின் உதவியுடன் பிடித்தனர். எச்சரிக்கை விடுத்தும் ஓடிச்சென்றதால் நாய் கடித்ததாகவும், பின்னர் அவர் மருத்துவமனைக்கு கொண்டு செல்லப்பட்டதாகவும் அதிகாரிகள் தெரிவித்தனர்.
இரண்டாவது நபர் இன்டர்லாகன் மேற்கு ரயில் நிலையம் அருகே பிடிக்கப்பட்டார். மேலும், மூன்றாவது சந்தேக நபர் பியூ-ரிவாஜ் ஹோட்டல் அருகே சிறிது நேரத்தில் கைது செய்யப்பட்டார்.
16 முதல் 30 வயதுக்குட்பட்ட இந்த மூவரும் முந்தைய குற்றச் செயல்களுக்காக காவல்துறைக்கு ஏற்கனவே அறியப்பட்டவர்கள் என தெரிவிக்கப்பட்டுள்ளது. இவர்கள் அதே இரவில் நான்கு தனித்தனியான திருட்டுச் சம்பவங்களில் ஈடுபட்டதாக சந்தேகிக்கப்படுகிறார்கள்.
காவல்துறை பறிமுதல் செய்த பணமும் மின்னணு சாதனங்களும் தற்போது ஆதாரமாக வைக்கப்பட்டுள்ளன. சம்பவம் குறித்த விசாரணை தொடர்ந்து நடைபெற்று வருகிறது.
© Kapo BE
