சூரிச் விமான நிலையம் – ஒரு கிலோ கொக்கைனுடன் கடத்தல்காரர் கைது

சூரிச் விமான நிலையம் – ஒரு கிலோ கொக்கைனுடன் கடத்தல்காரர் கைது அக்டோபர் 26, 2024 சனிக்கிழமை காலை, சூரிச் விமான நிலையத்தில் ஒரு இளம் பெண்ணை சூரிச் கண்டோனல் போலீசார் கைது செய்தனர்.

அவர் தனது உடலுக்குள் சுமார் 1 கிலோகிராம் கோகோயின் கடத்தியுள்ளமை தெரியவந்துள்ளது. பிரேசிலைச் சேர்ந்த 22 வயதான அந்தப் பெண், Sao Paulo (சாவ் பாலோவிலிருந்து) விமானத்தில் வந்து ஐஸ்லாந்திற்குச் செல்லத் திட்டமிட்டிருந்தார்.

விமான நிலையத்தின் ஷெங்கன் நுழைவாயிலில் வழக்கமான சோதனைகளின் போது, ​​அவர் போதைப்பொருளை எடுத்துச் சென்றிருக்கலாம் என்று காவல்துறை அதிகாரிகள் சந்தேகித்தனர்.

மேலும் விசாரணைக்குப் பிறகு, போதைப்பொருளைக் கடத்துவதற்காக “ஃபிங்கர்லிங்ஸ்” எனப்படும் சிறிய கோகோயின் பாக்கெட்டுகளை அவள் உட்கொண்டதைக் கண்டுபிடித்தனர்.

உடனடியாக அந்த பெண்ணை சூரிச் போலீசார் கைது செய்தனர். முதற்கட்ட விசாரணைக்குப் பிறகு, அவரது வழக்கு மேலும் விசாரணைக்காக அரசு வழக்கறிஞர் அலுவலகத்தில் ஒப்படைக்கப்பட்டது.