36 பில்லியன் பிராங்க் ரயில் திட்டம்… வாக்காளர்கள் கொடுத்த தெளிவான சிக்னல்!

36 பில்லியன் பிராங்க் ரயில் திட்டம்… வாக்காளர்கள் கொடுத்த தெளிவான சிக்னல்!

சுவிட்சர்லாந்தில் எதிர்கால போக்குவரத்து எப்படி இருக்க வேண்டும் என்ற கேள்விக்கு, மக்கள் தற்போது மிகவும் தெளிவான பதிலை வழங்கியுள்ளனர்.

புதிய கருத்துக்கணிப்பின்படி, சாலை விரிவாக்கத்தை விட ரயில்வே உள்கட்டமைப்பில் முதலீடு செய்ய வேண்டும் என்பதற்கே பெரும்பான்மையான ஆதரவு கிடைத்துள்ளது.

மொத்தம் 36 பில்லியன் பிராங்க் மதிப்பிலான ரயில்வே விரிவாக்கத் திட்டத்தை கூட்டாட்சி அரசு முன்வைத்துள்ளது. இதில், பேசல் ரயில் நிலைய விரிவாக்கம், சூரிச் உள்ளிட்ட பல முக்கிய திட்டங்களுடன், அரசியல் சர்ச்சையை ஏற்படுத்திய கிரிம்செல் சுரங்கப்பாதை திட்டமும் இடம்பெற்றுள்ளது.

AXA நிறுவனத்திற்காக Sotomo நடத்திய கருத்துக்கணிப்பில், 62 சதவீதம் பேர் ரயில்வே திறனை அதிகரிக்க பெரிய முதலீடுகள் தேவை என ஆதரித்துள்ளனர். அதேவேளை, நெடுஞ்சாலைகளில் அதிக முதலீடு வேண்டும் என்று கூறியவர்கள் 38 சதவீதம் மட்டுமே.

மேலும், பேசல் SBB ரயில் நிலைய விரிவாக்கத்திற்கு 56 சதவீதம் பேர் ஆதரவு தெரிவித்துள்ளனர். அரசியல் ரீதியாக அதிகம் பேசப்பட்ட கிரிம்செல் சுரங்கப்பாதைக்கும் 41 சதவீதம் பேர் சாதகமான கருத்தை பதிவு செய்துள்ளனர்.

அதுமட்டுமல்லாமல், இந்த ரயில்வே திட்டங்களுக்கு நிதி திரட்ட மதிப்புக்கூட்டு வரியை நிரந்தரமாக்கும் யோசனைக்கும் 64 சதவீதம் பேர் ஆதரவு தெரிவித்துள்ளனர்.

இந்த முடிவுகள், சுவிட்சர்லாந்தின் எதிர்கால போக்குவரத்து கொள்கையில் சாலைகளை விட ரயில்வேக்கு மக்கள் அதிக முன்னுரிமை அளித்து வருகிறார்கள் என்பதை தெளிவாகக் காட்டுகின்றன.

இந்த திட்டங்கள் குறித்து இறுதி அரசியல் முடிவு அடுத்த ஆண்டு நாடாளுமன்றத்தில் எடுக்கப்பட உள்ளது. அது வரை, இந்த விவாதம் சுவிஸ் அரசியலில் முக்கிய பேசுபொருளாக தொடரும் என்பதில் சந்தேகமில்லை.