கன்டோனல் வங்கியில் ஆயுத முனையில் கொள்ளை : 61 வயது நபர் கைது

கன்டோனல் வங்கியில் ஆயுத முனையில் கொள்ளை : 61 வயது நபர் கைது

புதன்கிழமை காலை சென்ட்கேலன் மாகாணம் சார்கன்ஸ் (Sargans, SG) நகரில் ஆயுதத்துடன் வங்கிக்குள் நுழைந்து, பல ஆயிரம் ஃப்ராங்க்களை பறித்துச் சென்ற 61 வயது செக் நாட்டு நபர், சில நிமிடங்களில் காவல்துறையினரால் கைது செய்யப்பட்டார்.

செயிண்ட் கல்லன் காவல்துறை வழங்கிய தகவலின்படி, சம்பவம் காலை 9 மணியளவில் நடைபெற்றது. குற்றவாளி, கான்டோனல் வங்கியின் (Cantonal Bank) கிளைக்குள் நுழைந்து, பணியாளர்களை துப்பாக்கி மிரட்டலின் கீழ் பணம் கையளிக்கச் செய்தார். பின்னர், பணத்துடன் வெளியேறினார்.

ஆனால், சம்பவ இடத்துக்கு முதலில் வந்த காவல் ரோந்து குழு, வங்கி ஊழியர்கள் மற்றும் சம்பவத்தை கண்ட சில பாதசாரிகள் வழங்கிய விவரத்தின் அடிப்படையில், குற்றவாளியை அடையாளம் கண்டு, விரைவாக பிடித்தது.

காவல்துறை தெரிவித்ததாவது, கைது செய்யப்பட்ட நபர் ஸ்விட்சர்லாந்தில் வசிப்பவர் அல்ல. சம்பவம் தொடர்பான மேலான விசாரணைகள் நடைபெற்று வருகின்றன.

@Kapo SG