சுவிட்சர்லாந்திலிருந்து லண்டன் வரை நேரடி தொடருந்து சேவைக்கு முன்னேற்றம்

சுவிட்சர்லாந்திலிருந்து லண்டன் வரை நேரடி தொடருந்து சேவைக்கு முன்னேற்றம்

சுவிட்சர்லாந்திலிருந்து London நகரை நேரடியாக இணைக்கும் தொடருந்து சேவைக்கான திட்டத்தில் புதிய முன்னேற்றம் ஏற்பட்டுள்ளது.

கடந்த மார்ச் மாதத்தில் Swiss Federal Railways (SBB) மற்றும் SNCF Voyageurs ஆகியவை புதிய சர்வதேச தொடருந்து பாதைகளை உருவாக்கும் நோக்கில் ஒத்துழைப்பு ஒப்பந்தத்தில் கையெழுத்திட்டிருந்தன.

இந்நிலையில் தற்போது Eurostar நிறுவனத்துடன் இணைந்து, சுவிட்சர்லாந்தின் முக்கிய நகரங்களுக்கும் London நகருக்கும் இடையே நேரடி தொடருந்து சேவையை உருவாக்குவதற்கான “Memorandum of Understanding” ஒப்பந்தம் கையெழுத்திடப்பட்டுள்ளது.

Swiss Federal Railways திங்கள்கிழமை வெளியிட்ட அறிக்கையில், “இது பிரித்தானியாவுடன் நேரடி தொடருந்து இணைப்பை உருவாக்கும் நீண்டகால திட்டத்தின் முக்கிய கட்டமாகும்” என தெரிவித்துள்ளது.

தற்போது சுவிட்சர்லாந்திலிருந்து அதிக விமானப் பயணிகள் செல்லும் வெளிநாட்டு இலக்கு London என்பதையும், நேரடி ரயில் சேவைக்கான வாடிக்கையாளர் தேவை அதிகமாக இருப்பதையும் SBB சுட்டிக்காட்டியுள்ளது.

திட்டமிடப்பட்டுள்ள பயண நேரங்களின்படி, Zurich முதல் London வரை சுமார் 6 மணி நேரமும், Basel முதல் London வரை 5 மணி நேரமும், Geneva முதல் London வரை சுமார் 5.5 மணி நேரமும் ஆகும் என தெரிவிக்கப்பட்டுள்ளது.

இந்த புதிய சேவை நடைமுறைக்கு வந்தால், விமானப் பயணங்களுக்கு மாற்றாக சுற்றுச்சூழலுக்கு உகந்த மற்றும் நேரடி ரயில் பயண வசதி கிடைக்கும் என எதிர்பார்க்கப்படுகிறது.