சுவிட்சர்லாந்தில் மின்சார வாகன சார்ஜிங் நிலையங்கள் அதிகரிப்பு

சுவிட்சர்லாந்தில் மின்சார வாகன சார்ஜிங் நிலையங்கள் அதிகரிப்பு

சுவிட்சர்லாந்தில் மின்சார வாகனங்களுக்கான பொதுச் சார்ஜிங் வசதிகள் தொடர்ந்து அதிகரித்து வருவதாக புதிய புள்ளிவிவரங்கள் தெரிவிக்கின்றன.

“சுவிட்சர்லாந்து மத்திய எரிசக்தி அலுவலகம்” (Bundesamt für Energie) வெளியிட்ட தரவுகளின்படி, 2026 ஏப்ரல் நிலவரப்படி சுவிட்சர்லாந்து முழுவதும் 8,535 இடங்களில் மொத்தமாக 18,284 சார்ஜிங் பாயிண்ட்கள் செயல்பாட்டில் உள்ளன.

அதாவது, ஒவ்வொரு இடத்திலும் சராசரியாக இரண்டு சார்ஜிங் வசதிகள் உள்ளன.

மொத்த எண்ணிக்கையில் Zurich கன்டோன் முதலிடத்தில் உள்ளது. அங்கு 2,692 சார்ஜிங் பாயிண்ட்கள் உள்ளதாக தெரிவிக்கப்பட்டுள்ளது.

அதனைத் தொடர்ந்து Bern கன்டோனில் 1,891 மற்றும் Vaud கன்டோனில் 1,590 சார்ஜிங் நிலையங்கள் உள்ளன.

மாறாக, மிகக் குறைந்த பொதுச் சார்ஜிங் வசதிகள் கொண்ட பகுதிகளாக Appenzell Innerrhoden (31), Appenzell Ausserrhoden (77) மற்றும் Obwalden (109) ஆகியவை குறிப்பிடப்பட்டுள்ளன.

அதேவேளை, ஒவ்வொரு சார்ஜிங் பாயிண்டுக்கும் அதிகளவில் மின்சார வாகனங்கள் பயன்படுத்தப்படும் கன்டோனாக Zug உள்ளது.

அங்கு ஒரு பொதுச் சார்ஜிங் பாயிண்டுக்கு சராசரியாக 53 battery electric vehicles (BEV) பயன்படுத்தப்படுகின்றன.

அதன்பின் Thurgau (27) மற்றும் Appenzell Ausserrhoden (24) வருகின்றன.

மாறாக, Graubünden கன்டோனில் ஒரு சார்ஜிங் பாயிண்டை சராசரியாக ஆறு மின்சார வாகனங்கள் மட்டுமே பகிர்ந்து பயன்படுத்துகின்றன.

சுவிட்சர்லாந்தில் மின்சார வாகன பயன்பாடு வேகமாக அதிகரித்து வரும் நிலையில், சார்ஜிங் வசதிகளின் விரிவாக்கமும் முக்கிய கவனத்தை பெற்று வருகிறது.

© Keystone-SDA