அக்டோபர் முதல் சுவிட்சர்லாந்து முழுவதும் பிளாஸ்டிக் மறுசுழற்சி

அக்டோபர் முதல் சுவிட்சர்லாந்து முழுவதும் பிளாஸ்டிக் மறுசுழற்சி  yoghurt pots, ஜூஸ் அட்டைப்பெட்டிகள் மற்றும் ஷாம்பு பாட்டில்கள் போன்ற பொருட்களை மறுசுழற்சி செய்வதற்கான தேசிய சேகரிப்பு பையை சுவிட்சர்லாந்து விரைவில் அறிமுகப்படுத்தவுள்ளது.

செவ்வாயன்று Recypac சங்கம் அறிவித்தபடி, இந்த புதிய மறுசுழற்சி அமைப்பு ஏற்கனவே இருக்கும் முறையுடன் இணைந்து செயல்படும் என தெரிவிக்கப்பட்டுள்ளது..

Recypac ஆனது Aldi Suisse, Coop, Denner, Migros மற்றும் Neslé போன்ற நிறுவனங்களையும், நகராட்சிகள் மற்றும் மறுசுழற்சி செய்பவர்களையும் உள்ளடக்கியது. இந்த அமைப்பு போட்டி ஆணையத்தால் (ComCo) அங்கீகரிக்கப்பட்டுள்ளது.

பேக்கேஜிங் வடிவமைப்பு மற்றும் மறுசுழற்சி முறைகளை ஒருங்கிணைப்பதன் மூலம் பேக்கேஜிங்கை எளிதாக மறுசுழற்சி செய்ய நிறுவனங்கள் இணைந்து செயல்படுவதாகவும் குறிப்பிடப்படுகிறது.

நுகர்வோர் சில்லறை விற்பனையாளர்களிடமிருந்து சேகரிப்பு பைகளை வாங்க வேண்டும். ஆனால் இதன் விலை இன்னும் அறிவிக்கப்படவில்லை, ஆனால் இது வழக்கமான குப்பை பைகளை விட மலிவானதாக இருக்கும் என தெரிவிக்கப்படுகிறது..

நகராட்சி வாரியாக பைகள் திரும்பும் இடங்கள் மாறுபடும். Recypac தொடங்குவதற்கு நகராட்சிகளின் அனுமதி தேவை என்பதும் குறிப்பிடத்தக்கது.