சுவிட்சர்லாந்தின் புதிய போக்குவரத்து திட்டம் – ஜெனீவா அரசியல்வாதிகள் அதிருப்தி
சுவிட்சர்லாந்தின் புதிய போக்குவரத்து திட்டம் – ஜெனீவா அரசியல்வாதிகளில் அதிருப்தி
சுவிட்சர்லாந்தின் தேசிய போக்குவரத்து திட்டம் குறித்து வெளியிடப்பட்ட புதிய (வைட்மன்) Weidmann Report ஜெனீவா அரசியல்வாதிகளில் கடும் எதிர்ப்பை கிளப்பியுள்ளது. காரணம், இந்த திட்டம் ஜெர்மன் மொழி பேசும் பிராந்தியங்களுக்கு அதிக முக்கியத்துவம் அளிக்கிறது என்றும், மேற்குச் சுவிட்சர்லாந்து புறக்கணிக்கப்பட்டுள்ளது என்றும் அவர்கள் குற்றம் சாட்டுகின்றனர்.
இந்த அறிக்கையை முன்னாள் சுவிஸ் கூட்டாட்சி இரயில்வே (SBB) தலைமை நிர்வாக அதிகாரி ஆன ஆண்ட்ரியாஸ் மையர் வைட்மன் தலைமையில் கூட்டாட்சி அரசு தயாரிக்க உத்தரவிட்டது. நாட்டின் போக்குவரத்து வளர்ச்சியை அடுத்த பல தசாப்தங்களுக்குப் பார்க்கும் வகையில் உருவாக்கப்பட்ட இது, சுவிட்சர்லாந்தின் போக்குவரத்து எதிர்காலத்தை வடிவமைக்கும் முக்கியமான வழிகாட்டியாகக் கருதப்படுகிறது.
அறிக்கையில், ஜெனீவாவின் கோர்னவின் (Cornavin) ரயில் நிலைய விரிவாக்கத் திட்டம் மற்றும் சில புதிய டிராம் பாதைகள் அங்கீகரிக்கப்பட்டுள்ளன. ஆனால் ஜெனீவாவில் பரிந்துரைக்கப்பட்ட மெட்ரோ திட்டமும், ஏரிக்குக் கீழே புதிய கடத்தல் சாலை (lake crossing) திட்டமும் முற்றிலுமாக நீக்கப்பட்டுள்ளன.
ஜெனீவா மாநிலத்தின் போக்குவரத்து அமைச்சர் பியர் மொடேட், இந்த அறிக்கை “எல்லைக்கடந்த பிராந்தியத்தின் தேவைகளை முறையாகப் புரிந்துகொள்ளவில்லை” என்றும், ஜெனீவா–லௌசான் மற்றும் ஜெனீவா–லியோன் போன்ற முக்கிய போக்குவரத்து இணைப்புகளின் முக்கியத்துவத்தை குறைத்து மதிப்பிடுகிறது என்றும் விமர்சித்தார். அவர் மேலும், “மேற்குச் சுவிட்சர்லாந்தின் போக்குவரத்து வளர்ச்சியைப் பற்றிய பார்வை இவ்வறிக்கையில் ஒருதலைப்பட்சமாக உள்ளது” என எச்சரித்தார்.
ஜெனீவா மற்றும் வோடு போன்ற பிராந்தியங்களில் அரசியல்வாதிகள், இந்த அறிக்கை சுவிட்சர்லாந்தின் மேற்குப் பகுதியின் பொருளாதார இணைப்புகள் மற்றும் சர்வதேச போக்குவரத்து தேவைகளைப் புறக்கணிப்பதாகக் கூறி, கூட்டாட்சி அரசிடம் திட்டத்தை மீளாய்வு செய்ய கோரிக்கை விடுத்துள்ளனர்.
© WRS
