ஐரோப்பாவின் மோசமான விமான நிறுவனங்களில் ஒன்றாக சுவிஸ்.!!

ஐரோப்பாவின் மோசமான விமான நிறுவனங்களில் ஒன்றாக சுவிஸ்.!!

சுவிட்சர்லாந்தின் தேசிய விமான நிறுவனமான SWISS, உயர் தரம், நேர்த்தி மற்றும் நம்பகத்தன்மைக்கு பெயர் பெற்ற நாட்டின் ஒப்பனைவாக இருந்து வந்தாலும், சமீபத்தில் வெளியான Flightright Index 2024 மதிப்பீட்டில் ஒரு மிக்க அதிர்ச்சிகரமான இடத்தைப் பெற்றுள்ளது.

இந்த வருடாந்த பட்டியலில், யூரோப்பின் 20 மோசமான விமான நிறுவனங்களில் SWISS ஒன்பதாவது இடத்தில் வகைப்படுத்தப்பட்டுள்ளது. இது அந்த நிறுவனம் தரத்திலும் சேவையிலும் பின்னடைவு இருப்பதாக கூறப்படுகிறது.

மொத்தம் 5 புள்ளிகள் அடிப்படையிலான மதிப்பீட்டில், SWISS நிறுவனம் வெறும் 2.76 புள்ளிகள் மட்டுமே பெற்றது. இதில் முக்கியமான குறைபாடுகள்:

• விமானங்கள் தாமதமாக புறப்படும் நம்பகத்தன்மை குறைவு

• பணத்தை திருப்பித் தரும் மற்றும் இழப்பீடு வழங்கும் சிரமங்கள்

• பயணிகளின் மொத்த திருப்தி குறைவு.. என்பன சுட்டிக்காட்டப்பட்டுள்ளன.

சுவிட்சர்லாந்தின் உலகளாவிய தரத்திற்கு நிகரான சேவையை வழங்குவதாக SWISS விளம்பரம் செய்யும் நிலையில், பயணிகள் அனுபவங்கள் மற்றும் தர மதிப்பீடுகள் இதற்கு மாறான மற்றும் கவலையளிக்கும் உண்மையைக் காட்டுகின்றன.

சூரிச் விமான நிலையத்தில் பயணக் கூட்டம் அதிகம்!

SWISS விமான நிறுவனம் விமர்சனத்திற்கு உள்ளாகி இருந்தாலும், சூரிச் விமான நிலையம் பயணிகளால் நிரம்பியுள்ளதாகத் தெரிவிக்கப்படுகின்றது.

கோடைகால விடுமுறைகள் ஆரம்பமான நிலையில், இந்த வார இறுதிகளில் சூரிச் விமான நிலையம் இதுவரை இல்லாத அளவுக்கு அதிக பயணிகள் எண்ணிக்கையை சந்திக்கவுள்ளதாக எதிர்வுகூறப்பட்டுள்ளது.

வாரநாட்களில் கூட பயணிகள் எண்ணிக்கை அதிகமாகவே காணப்படுவதாகவும் வார இறுதி நாட்களிலும் அதிக பயணிகள் பயணங்களை மேற்கொள்வதாகவும் தெரிவித்துள்ளார்.

அடுத்து வரும் இரண்டு வார இறுதிகள் மிகப் பரபரப்பாக இருக்கலாம் எனவும் சிலர் நாடு திரும்பும் நேரத்தில் மற்றோர் குழு இன்னும் பயணம் செய்கின்றனர் என்பதாலேயே இந்த பரபரப்பு ஏற்படுவதாக கூறப்படுகிறது.

அதனால், வரும் வார இறுதிகளில் விமானப் பயணங்களைத் திட்டமிடுவோர் கூடுதல் நேரத்தை ஒதுக்கிக் கொள்ளுமாறு அறிவுறுத்தப்படுகிறது.