சென்ட்கேலன் Mühlrüti இல் மோட்டார்சைக்கிள் விபத்தில் இளைஞன் பலி

சென்ட்கேலன் கன்டோனின் Mühlrüti யில் மோட்டார்சைக்கிள் விபத்தில் இளைஞன் பலி

சனிக்கிழமை மாலை, சென்ட்கேலன் கன்டோனின் Mühlrüti (மூள்ருத்தி) பகுதியில் 17 வயது ஒரு இளைஞர் மோட்டார் சைக்கிளில் பயணித்தபோது ஏற்பட்ட விபத்தில் பரிதாபகரமாக உயிரிழந்தார். சம்பவம் ஹுல்ஃப்டெக் சாலையில் நடந்தது.

இளைஞர் ஹுல்ஃப்டெக் மலைச்சிகரத்திலிருந்து மொஸ்னாங் நோக்கி செல்கின்றபோது, ஒரு இடது வளைவில் தனது மோட்டார் சைக்கிளின் கட்டுப்பாட்டை இழந்து கீழே விழுந்து கடுமையான காயங்களுக்கு உள்ளானார்.

கன்டோன் போலீசாரும், மருத்துவப் பிரிவும் விரைவில் சம்பவ இடத்திற்கு விரைந்தாலும், இளைஞர் சம்பவ இடத்திலேயே உயிரிழந்தார். அவர் சுவிட்சர்லாந்தைச் சேர்ந்த  சூரிச் கன்டோனில் வசித்து வந்தவர் என தெரியவந்துள்ளது.

விபத்துக்குப் பிறகு ஹுல்ஃப்டெக் சாலை பல மணி நேரம் மூடப்பட்டது. தீயணைப்பு படை மாற்றுவழிகளை ஏற்படுத்தி இயக்கியதுடன், சம்பவ இடத்தில் போலீசும், மருத்துவ குழுவும், சென்ட்கேலன் அரசு வழக்கறிஞர்களும் விசாரணையில் ஈடுபட்டனர். இந்த விபத்து தொடர்பான விசாரணை தொடர்ந்து நடைபெற்று வருகிறது.

@Kapo SG