போலீசாரின் பெயரில் போலி அபராத மின்னஞ்சல்கள் தொடர்பில் எச்சரிக்கை

போலீசாரின் பெயரில் போலி அபராத மின்னஞ்சல்கள் தொடர்பில் எச்சரிக்கை

சுவிட்சர்லாந்தில் தற்போது மக்களை ஏமாற்றும் வகையில் பொய்யான அபராத மின்னஞ்சல்கள் பரவுகின்றன. இது சைபர் குற்றவாளிகள் மேற்கொள்ளும் “Phishing” தாக்குதல் என்று பெர்ன் மாநில காவல்துறை எச்சரித்துள்ளது.

போலியான அபராத மின்னஞ்சல் எப்படி பரவியது?

பெர்ன் காவல்துறை 2025 ஆகஸ்ட் 21, வியாழக்கிழமை, பல புகார்களைப் பெற்றுள்ளது. மக்களிடம் வந்துள்ள மின்னஞ்சல்கள், அபராதம் நிலுவையில் இருப்பதாகக் கூறி பெர்ன் மாநில காவல்துறையின் பெயரில் அனுப்பப்பட்டுள்ளன. மேலும், அந்த மின்னஞ்சல்கள் ஆங்கில தலைப்பில், ஜெர்மன் மற்றும் பிரெஞ்சு ஆகிய இரண்டு மொழிகளில் எழுதப்பட்டுள்ளன.

அதிலும் மோசமானது என்னவென்றால், வாலிஸ் மாநில காவல்துறையின் லோகோ கூட தவறாக பயன்படுத்தப்பட்டுள்ளது. இருந்தும் பெறுநர்கள் அது உண்மையான அரசாணை என்று நம்பும் அபாயம் அதிகரிக்கிறது.

மக்களை ஏமாற்றும் முறைகள்

மின்னஞ்சலில் உள்ள இணைப்பைச் சொடுக்கும்படி தூண்டி, பெறுநர்கள் பெர்ன் காவல்துறையின் அபராதக் கட்டணம் செலுத்தும் இணையத்தளத்திற்கு செல்லும் போல் காட்டப்படுகிறது. அந்த போலியான இணையத்தில், கிரெடிட் கார்டு விவரங்களை உள்ளிடுமாறு கேட்கப்படுகிறது.

ஒருவர் அங்கு தகவல்களை உள்ளிட்டவுடன், அவை நேரடியாக சைபர் குற்றவாளிகளின் கைகளில் சேர்கின்றன. பின்னர், அட்டையில் அனுமதியில்லாமல் பணம் பிடித்துக் கொள்ளப்படும் அபாயம் உள்ளது.

பொதுமக்கள் கவனிக்க வேண்டியவை

பொய்யான மின்னஞ்சல்கள் வந்தால், அதில் உள்ள இணைப்புகளைச் சொடுக்க வேண்டாம். எந்த வகையிலான தனிப்பட்ட தகவல்களையும், குறிப்பாக வங்கி மற்றும் கிரெடிட் கார்டு விவரங்களையும் வழங்கக் கூடாது. சந்தேகமான மின்னஞ்சல்கள் வந்தால், உடனடியாக அதிகாரிகளிடம் புகாரளிக்க வேண்டும் என பெர்ன் கன்டோனல் போலீசார் எச்சரிக்கை விடுத்துள்னர்.

• @Kapo BE