ஜெனீவா அருகே வீட்டு தீ விபத்து: 94 வயது பெண் உயிரிழப்பு
ஜெனீவா அருகே வீட்டு தீ விபத்து: 94 வயது பெண் உயிரிழப்பு
சுவிட்சர்லாந்தில் Grand-Saconnex பகுதியில் வியாழக்கிழமை மாலை ஏற்பட்ட வீட்டு தீ விபத்தில் 94 வயதுடைய பெண் ஒருவர் உயிரிழந்துள்ளார். இந்த சம்பவம் அப்பகுதியில் சோகத்தை ஏற்படுத்தியுள்ளது.
இரவு 8 மணிக்குப் பின்னர் தீயணைப்பு படையினருக்கு அவசர அழைப்பு வந்தது. சம்பவ இடத்திற்கு விரைந்த அவர்கள், ஒரு குடியிருப்பு கட்டிடத்தின் முதல் மாடி வீட்டில் இருந்து கடுமையான புகை வெளியேறுவதை கண்டனர். உடனடியாக மீட்பு நடவடிக்கைகள் மேற்கொள்ளப்பட்டு, சில நிமிடங்களில் அந்த பெண் வெளியே கொண்டு வரப்பட்டார்.
ஆனால், அவருக்கு வழங்கப்பட்ட உயிர் காக்கும் சிகிச்சைகள் பலனளிக்காமல், அவர் அங்கேயே உயிரிழந்ததாக அதிகாரிகள் தெரிவித்துள்ளனர். தீ விபத்து விரைவாக கட்டுப்படுத்தப்பட்டதால், அது ஒரு அறைக்குள் மட்டுமே பரவியதாக கூறப்படுகிறது.
இந்த சம்பவத்தில் வேறு யாருக்கும் காயம் ஏற்படவில்லை. தீ விபத்திற்கான துல்லியமான காரணங்களை அதிகாரிகள் விசாரித்து வருகின்றனர். சுவிட்சர்லாந்தில் வீட்டு தீ விபத்துகள் தொடர்பாக பாதுகாப்பு விழிப்புணர்வு மீண்டும் முக்கியத்துவம் பெற வேண்டியதைக் இந்த சம்பவம் நினைவூட்டுகிறது.
