எல்லை தாண்டிய ஷாப்பிங் சுற்றுலா வளர்ச்சி: வரி இல்லா வரம்பு குறைப்பு தாக்கம் இல்லை

சுவிட்சர்லாந்தில் உள்ளூர் சில்லறை வணிகம் தேக்கநிலையில் இருக்கும் நிலையில், எல்லை தாண்டிய ஷாப்பிங் சுற்றுலா கணிசமான வளர்ச்சியைப் பதிவு செய்துள்ளதாக சுவிஸ் சில்லறை வணிக கூட்டமைப்பு (SRF)  ஜூலை 23,  புதன்கிழமை அறிவித்துள்ளது.

பிரான்ஸ், இத்தாலி மற்றும் ஜெர்மனியின் அண்டை பகுதிகளில் உணவு, அன்றாட நுகர்வோர் பொருட்கள் மற்றும் பிற பொருட்கள் மலிவாக கிடைப்பதால், சுவிஸ் குடிமக்கள் இந்த பகுதிகளுக்கு ஷாப்பிங் செய்ய தொடர்ந்து பயணிக்கின்றனர். இது உள்ளூர் வணிகங்களுக்கு பெரும் சவாலாக உள்ளது.

2025 ஆம் ஆண்டு தொடக்கத்தில், வெளிநாடுகளில் வாங்கப்படும் பொருட்களுக்கான வரி இல்லா வரம்பு 300 சுவிஸ் பிராங்குகளில் இருந்து 150 பிராங்குகளாக குறைக்கப்பட்டது. இருப்பினும், இந்த குறைப்பு எல்லை தாண்டிய ஷாப்பிங் பழக்கங்களை குறைக்கவில்லை.

“வரி இல்லா வரம்பு 150 பிராங்குகளாக குறைக்கப்பட்ட போதிலும், சுவிஸ் மக்களின் வெளிநாட்டு ஷாப்பிங் ஆர்வத்தில் எவ்வித மாற்றமும் ஏற்படவில்லை,” என்று SRF இன் இயக்குநர் டாக்மர் ஜென்னி தெரிவித்தார்.

@KeystoneSDA