சூரிக் யூத ஆலயங்களுக்கு கூடுதல் பாதுகாப்பு நிதி கோரிக்கை
சூரிக் யூத ஆலயங்களுக்கு கூடுதல் பாதுகாப்பு நிதி கோரிக்கை
சூரிக் நகராட்சி, அங்குள்ள யூத மத ஆலயங்கள் மற்றும் நிறுவனங்களுக்கான பாதுகாப்பு செலவுகளை இரட்டிப்பாக்குமாறு நகர சபையிடம் கோரிக்கை வைத்துள்ளது. இதன்படி, 2024 ஆம் ஆண்டிலிருந்து பின்புலத்தில் செயல்படுத்தும் வகையில், தற்போதைய 1 மில்லியன் ஃப்ராங்கிலிருந்து 2 மில்லியன் ஃப்ராங்காக அதிகரிக்க வேண்டும் என பரிந்துரைக்கப்பட்டுள்ளது.
மத்திய கிழக்கு பிரதேசத்தில் நீடித்துவரும் மோதல்கள் மற்றும் சூரிக்கில் பதிவாகியுள்ள பல்வேறு யூத விரோத சம்பவங்களின் காரணமாக, குறிப்பாக யூத சமூகத்தினரின் பாதுகாப்பு தேவைகள் அதிகரித்துள்ளன. இதனால் மத மற்றும் சமூக நிறுவனங்களை பாதுகாப்பதற்கான செலவுகள் கணிசமாக உயர்ந்துள்ளதாக அதிகாரிகள் தெரிவித்தனர்.
ஏற்கனவே சூரிக் கண்டோன் நிர்வாகம் தனது பங்களிப்பை 1 மில்லியனிலிருந்து 2 மில்லியனாக உயர்த்தியுள்ளது. கூட்டாட்சிய அரசும் பாதுகாப்புச் செலவுகளுக்கான உதவியை வழங்கி வருகிறது.
சமீப காலங்களில் ஐரோப்பாவின் பல நகரங்களில் யூத சமூகங்களை குறிவைத்து இடம்பெறும் அச்சுறுத்தல்கள் அதிகரித்துள்ள நிலையில், சூரிக் எடுத்துள்ள இந்த நடவடிக்கை சமூக அமைதிக்கும் மதச்சார்பற்ற பாதுகாப்பிற்கும் முக்கியமானதாக கருதப்படுகிறது.
© KeystoneSDA
