கோத்தார்ட் சுரங்கப்பாதை முன் 21 கிலோமீட்டர் வாகன நெரிசல்

கோத்தார்ட் சுரங்கப்பாதை முன் 21 கிலோமீட்டர் வாகன நெரிசல்

தெற்கு நோக்கி செல்லும் கோத்தார்ட் (Gotthard) சாலை சுரங்கப்பாதைக்கு முன்பாக சனிக்கிழமை காலை கடுமையான வாகன நெரிசல் ஏற்பட்டது.

ஒரு கட்டத்தில் வடக்கு நுழைவாயிலுக்கு முன்பாக வாகன வரிசை 21 கிலோமீட்டர் வரை நீண்டதாக தெரிவிக்கப்பட்டுள்ளது.

பிற்பகல் நிலவரப்படி சிறியளவு முன்னேற்றம் ஏற்பட்டிருந்தாலும், மதியம் 1.30 மணியளவில் கூட 19 கிலோமீட்டர் நீளமான நெரிசல் தொடர்ந்ததாக Touring Club Schweiz (TCS) தெரிவித்துள்ளது.

இதனால், பயணிகள் கூடுதலாக 3 மணி நேரம் 10 நிமிடங்கள் வரை தாமதத்தை எதிர்பார்க்க வேண்டியுள்ளதாக கூறப்பட்டுள்ளது.

கோத்தார்ட் பாதைக்கு மாற்று வழியாக பயன்படுத்தப்படும் A13 San Bernardino சுரங்கப்பாதை வழியிலும் சுமார் 17 கிலோமீட்டர் நீளமான நெரிசல் ஏற்பட்டுள்ளதாக தகவல்கள் தெரிவிக்கின்றன.

இதனால், Touring Club Schweiz, A9 Simplon வழியாகவோ அல்லது Lötschberg கார் ரயில் சேவையை பயன்படுத்தியோ பயணம் செய்யுமாறு பரிந்துரைத்துள்ளது.

பெந்தெகொஸ்தே (Pfingsten) விடுமுறை வார இறுதியை முன்னிட்டு அதிகளவிலான போக்குவரத்து ஏற்படும் என Bundesamt für Strassen (ASTRA) ஏற்கனவே எச்சரித்திருந்தது.

முன்னைய பெந்தெகொஸ்தே விடுமுறை காலங்களில் கோத்தார்ட் முன்பாக 28 கிலோமீட்டர் வரையிலான வாகன நெரிசலும் பதிவாகியிருந்தது குறிப்பிடத்தக்கது.