பேர்ன் (Bern) உணவக உடைப்பு திருட்டு: இளைஞர் ஒருவர் கைது

பேர்ன் (Bern) உணவக உடைப்பு திருட்டு: இளைஞர் ஒருவர் கைது

பேர்ன் (Bern) நகரிலுள்ள உணவகம் ஒன்றில் இடம்பெற்ற உடைப்பு திருட்டு சம்பவத்திற்குப் பின்னர், சந்தேகிக்கப்படும் இளைஞர் ஒருவரை பேர்ன் கன்டோனல் போலீசார் கைது செய்துள்ளனர்.

மே 28ஆம் திகதி வியாழக்கிழமை அதிகாலை 4 மணிக்கு முன்பாக, நியூப்ரூக்‌ஷ்ட்ராஸே (Neubrückstrasse) பகுதியில் உள்ள உணவகத்திற்குள் ஒருவர் சட்டவிரோதமாக நுழைந்துள்ளதாக பேர்ன் கன்டோனல் போலீசாருக்கு தகவல் கிடைத்தது.

உடனடியாக சம்பவ இடத்துக்கு சென்ற போலீசார் அங்கு எவரையும் காணவில்லை. இதையடுத்து தேடுதல் நடவடிக்கை தீவிரப்படுத்தப்பட்டது. இதில் மோப்ப நாயும் ட்ரோனும் பயன்படுத்தப்பட்டதாக தெரிவிக்கப்பட்டுள்ளது.

பின்னர் கூடுதல் ரோந்து குழுக்களின் உதவியுடன், சந்தேகநபர்  “ஹென்கர்ப்ரூன்ன்லி” (Henkerbrünnli) பேருந்து நிறுத்தம் அருகே அவரை கைது செய்தனர்.

கைது நடவடிக்கையின் போது கீழே விழுந்ததில் ஒரு போலீஸ் அதிகாரி காயமடைந்ததாகவும் தெரிவிக்கப்பட்டுள்ளது.

கைது செய்யப்பட்டவர் இளைஞர் வயதுடையவர் என போலீசார் தெரிவித்துள்ளனர். அவர் மேலதிக விசாரணைகளுக்காக காவல் நிலையத்துக்கு அழைத்துச் செல்லப்பட்டதுடன், தற்காலிக காவலிலும் வைக்கப்பட்டுள்ளார்.

சந்தேகநபரிடமிருந்து பணம் உள்ளிட்ட திருடப்பட்டிருக்கலாம் என நம்பப்படும் பொருட்களும் மீட்கப்பட்டுள்ளன. பேர்ன் கன்டோனில் இடம்பெற்ற இதேபோன்ற பல சம்பவங்களுடனும் இந்த இளைஞருக்கு தொடர்பிருக்கலாம் என போலீசார் சந்தேகிக்கின்றனர்.

இந்த வழக்கில் கன்டோனல் இளைஞர் வழக்கறிஞர் அலுவலகத்தின் மேற்பார்வையில் மேலதிக விசாரணைகள் நடைபெற்று வருகின்றன.

மூலம்: பேர்ன் கன்டோனல் போலீசார்