சுவிட்சர்லாந்தில் வேலைஇல்லா நலத் திட்டத்தில் தொழில்நுட்ப கோளாறு
சுவிட்சர்லாந்தில் வேலைஇல்லா நலத் திட்டம் தொழில்நுட்ப சிக்கலில் சிக்கியது
சுவிட்சர்லாந்தின் வேலைஇல்லா நலத் திட்டம் தற்போது எதிர்பாராத அழுத்தத்தை சந்தித்து வருகிறது. இது விண்ணப்பங்கள் அதிகரித்ததாலன்றி, புதிய தகவல் தொழில்நுட்ப அமைப்பில் ஏற்பட்ட கோளாறுகளாலும் ஏற்பட்டு இருப்பதாக தகவல்கள் வெளியாகியுள்ளன.
State Secretariat for Economic Affairs அறிமுகப்படுத்திய புதிய ஐடி (IT) தளம் இந்த ஆண்டின் தொடக்கத்தில் செயல்பாட்டுக்கு வந்தது. ஆனால் ஆரம்பத்திலிருந்தே தொழில்நுட்ப கோளாறுகள், அடிக்கடி சேவை தடைபாடுகள் போன்ற பிரச்சினைகள் தொடர்ந்து ஏற்பட்டதால், வேலைஇல்லா நல உதவித் தொகைகள் வழங்குவதில் தாமதம் ஏற்பட்டுள்ளது.
பல அலுவலகங்களில் பணியாற்றும் ஊழியர்கள், இந்த புதிய அமைப்பு சரியாக செயல்படாததால் கடிதங்களை கைப்பதிவாக எழுத வேண்டிய நிலை ஏற்பட்டுள்ளதாக தெரிவிக்கின்றனர். இந்த தளம் மிகவும் சிக்கலானதும், அதிக நேரம் பிடிக்கும் தன்மையுடையதும் ஆக இருப்பதாகவும் அவர்கள் குற்றம்சாட்டுகின்றனர்.
இதன் விளைவாக, சில அலுவலகங்களில் பணியாளர்களின் உடல்நலக் குறைவு காரணமாக விடுப்புகள் அதிகரித்ததுடன், சிலர் பணியைவிட்டு விலகும் நிலையும் ஏற்பட்டுள்ளதாக கூறப்படுகிறது. இது நிர்வாக செயல்திறனை மேலும் பாதிக்கும் அபாயத்தை உருவாக்கியுள்ளது.
அதிகாரிகள் தெரிவித்ததாவது, இந்த பிரச்சினைகளின் மிக மோசமான நிலை கடந்துவிட்டது. இருப்பினும், அமைப்பை முழுமையாக சீர்செய்ய இன்னும் பணிகள் தேவைப்படுகின்றன. சுவிட்சர்லாந்தின் சமூக பாதுகாப்பு அமைப்பில் முக்கியமான பகுதியாக உள்ள இந்த சேவை, தொழில்நுட்ப மேம்பாடுகளுடன் விரைவில் சீராகும் என்ற எதிர்பார்ப்பு நிலவுகிறது.
