விமானம் புறப்பட முடியவில்லை! பேசல்-முல்ஹவுஸ் விமான நிலையத்தில் தொழில்நுட்பக் கோளாறு…
பேசல்-முல்ஹவுஸ் யூரோ விமான நிலையத்தில், ஒரு Boeing 737 விமானம் ஓடுபாதையை மறித்ததால் விமான சேவைகள் பாதிக்கப்பட்டுள்ளன.
வியாழக்கிழமை பிற்பகலில் தொழில்நுட்பக் கோளாறு காரணமாக இந்த விமானத்தால் தொடர்ந்து புறப்பட முடியாத நிலை ஏற்பட்டது.
மாலையில் புறப்படுவதற்காக தயாராக இருந்த இந்த விமானம், Runway 15-ஐ மறித்த நிலையில் நின்றதாக விமான நிலையத்தின் செய்தித் தொடர்பாளர் உறுதிப்படுத்தியுள்ளார்.
இதன் காரணமாக விமான நிலையத்தின் செயல்பாடுகளில் பாதிப்பு ஏற்பட்டதுடன், சில விமானங்கள் ரத்து செய்யப்பட்டும், தாமதப்படுத்தப்பட்டும் உள்ளதாக விமான நிலையம் தெரிவித்துள்ளது.
தற்போதைய நிலவரப்படி, தங்களது விமானம் தொடர்பான தகவல்களுக்கு பயணிகள் நேரடியாக சம்பந்தப்பட்ட விமான நிறுவனத்தைத் தொடர்புகொள்ளுமாறு விமான நிலையம் அறிவுறுத்தியுள்ளது.
ஒரு விமானத்தின் தொழில்நுட்பக் கோளாறு காரணமாக, விமான நிலையத்தின் வழக்கமான சேவைகளே பாதிக்கப்பட்டுள்ள இந்த சம்பவம், பயணிகளிடையே பரபரப்பை ஏற்படுத்தியுள்ளது.
