உரி கன்டோனில் பனிச்சரிவு விபத்து – இருவர் கடுமையாக காயம்

உரி கன்டோனில் பனிச்சரிவு விபத்து – இருவர் கடுமையாக காயம்

சுவிட்சர்லாந்தின் உரி (Uri) கன்டோனில் உள்ள Fleckistock மலைப்பகுதியில் சனிக்கிழமை (04.04.2026) பிற்பகல் கடுமையான பனிச்சரிவு (avalanche) விபத்து ஏற்பட்டுள்ளது. Sickinelli Couloir வழியாக ஏறிக்கொண்டிருந்த போது இந்த சம்பவம் நடந்ததாக தெரிவிக்கப்படுகிறது.

இத்தாலியைச் சேர்ந்த மூன்று ஆண்கள் மலையேற்றத்தில் ஈடுபட்டிருந்தபோது, திடீரென பனித்தட்டு சரிந்து விழுந்தது. அதில் முன்னிலையில் இருந்த இரண்டு மலையேற்ற வீரர்கள் பனிச்சரிவில் சிக்கி சுமார் 200 மீட்டர் தூரம் இழுத்துச் செல்லப்பட்டனர். மூன்றாவது நபர் கீழ்புறத்தில் இருந்ததால் தன்னைத் தானே பாதுகாத்துக் கொண்டு தப்பினார்.

பனிச்சரிவில் சிக்கிய இருவரும் கடுமையாக காயமடைந்துள்ளனர். இதில் ஒருவரின் நிலை உயிருக்கு ஆபத்தானதாக உள்ளதாக அதிகாரிகள் தெரிவித்துள்ளனர். Rega மற்றும் மத்திய சுவிட்சர்லாந்து ஆல்பைன் மீட்பு குழுவினர் இணைந்து அவர்களை மீட்டு, கன்டோன் வெளியிலுள்ள மருத்துவமனைக்கு விமானம் மூலம் கொண்டு சென்றனர்.

இந்த சம்பவத்தில் Kantonspolizei Uri விசாரணைகளை தொடங்கி, பனிச்சரிவு ஏற்பட்ட காரணங்களை ஆராய்ந்து வருகிறது. இந்த மீட்பு நடவடிக்கையில் Rega, Alpine Rettung Zentralschweiz, Swiss Helicopter AG மற்றும் போலீசார் இணைந்து செயல்பட்டனர்.

© Kapo Uri