உக்ரேனியர்களுக்கான அகதி அந்தஸ்தை சுவிட்சர்லாந்து நீட்டித்துள்ளது

உக்ரேனியர்களுக்கான அகதி அந்தஸ்தை சுவிட்சர்லாந்து நீட்டித்துள்ளது உக்ரைனில் நடைபெற்று வரும் போர் காரணமாக உக்ரைனியர்களுக்கு வழங்கப்பட்ட சிறப்பு அகதி அந்தஸ்தை 2026 மார்ச் 4 வரை நீட்டிக்க சுவிட்சர்லாந்து முடிவு செய்துள்ளது.

முதலில், இந்த நிலை 2025 இல் முடிவடையும் என்று கருதப்பட்டது, ஆனால் உக்ரைனின் நிலைமை எந்த நேரத்திலும் மேம்பட வாய்ப்பில்லை என்பதை சுவிஸ் அரசாங்கம் அங்கீகரித்துள்ளது.

பாதுகாப்பு நிலை S எனப்படும் இந்த சிறப்பு அகதி அந்தஸ்து, பெப்ரவரி 2022 இல் ரஷ்யா படையெடுத்த பிறகு தங்கள் நாட்டை விட்டு வெளியேறிய உக்ரேனியர்களுக்காக உருவாக்கப்பட்டது.

S அந்தஸ்து இந்த அகதிகள் சுவிட்சர்லாந்தில் வாழவும் வேலை செய்யவும் அனுமதிக்கிறது.  இது மாத்திரமின்றி உக்ரேனியர்கள் சுவிஸ் அரசாங்கத்திடமிருந்து பல முக்கியமான நன்மைகளைப் பெறுகிறார்கள்.

இலவச சுகாதாரம், உள்ளூர் மொழிகளைக் கற்க உதவும் மொழிப் படிப்புகளுக்கான அணுகல் மற்றும் அவர்களின் வாழ்க்கைச் செலவுகளுக்கு உதவுவதற்கான வீட்டுக் கொடுப்பனவுகள் ஆகியவை இதில் அடங்கும்.

தற்போது, ​​சுவிட்சர்லாந்தில் உள்ள சுமார் 66,000 உக்ரேனிய அகதிகள் பாதுகாப்பு நிலை S மூலம் பயனடைகிறார்கள். இந்த நிலை நீட்டிப்பு அவர்களின் சொந்த நாட்டில் மோதல்கள் நீடிப்பதால் அவர்களுக்கு தொடர்ச்சியான பாதுகாப்பையும் ஆதரவையும் வழங்குகின்றமை குறிப்பிடத்தக்கது.