மத்திய கிழக்கு மோதல்: சுவிஸ் கடிகாரத் துறையில் உறுதியற்ற நிலை அதிகரிப்பு

மத்திய கிழக்கு மோதல்: சுவிஸ் கடிகாரத் துறையில் உறுதியற்ற நிலை அதிகரிப்பு

மத்திய கிழக்கில் நிலவும் போர் சூழ்நிலை, உலகப் புகழ்பெற்ற சுவிட்சர்லாந்தின் கடிகாரத் துறையில் புதிய அநிச்சயத்தை உருவாக்கியுள்ளது. ஏற்கனவே பல பொருளாதார சவால்களை சந்தித்த இந்த பாரம்பரிய தொழில், தற்போதைய நிலவரத்தால் மேலும் அழுத்தத்துக்குள்ளாகியுள்ளது.

Elie Bernheim, Raymond Weil நிறுவனத்தின் தலைமை நிர்வாக அதிகாரி, தற்போதைய மத்திய கிழக்கு சூழ்நிலையின் முக்கிய தன்மை என்னவெனில் எதையும் முன்கூட்டியே கணிக்க முடியாத நிலைமை தான் என்று தெரிவித்துள்ளார். தினந்தோறும் சூழ்நிலைகள் மாறக்கூடியதாக உள்ளதால், வணிகத் திட்டமிடலில் பெரும் சிக்கல் உருவாகியுள்ளது என்றும் அவர் கூறினார்.

ஒரு நாளிலிருந்து மறுநாளுக்குள் எல்லாம் மாறிவிடக்கூடும், அதில் எங்களுக்குக் கட்டுப்பாடு எதுவும் இல்லை என்பதுதான் மிகவும் அசாதாரணமும், தொழில்துறைக்கு பாதிப்பை ஏற்படுத்தக்கூடிய காரணமும் ஆகும் என்று அவர் விளக்கினார்.

இதேவேளை, நீண்டகால நோக்கில் சுவிட்சர்லாந்தின் கடிகாரத் துறை பல்வேறு சவால்களை எதிர்கொண்டு மீண்டு வந்துள்ளது என்றும், அதன் நிலைத்தன்மை (resilience) குறிப்பிடத்தக்கது என்றும் Elie Bernheim நம்பிக்கை தெரிவித்துள்ளார். தற்போதைய சிக்கல்களையும் இந்தத் துறை தாண்டி முன்னேறும் என்ற எதிர்பார்ப்பும் தொழில்துறையில் நிலவுகிறது.